Марыя Уладзіміраўна Адамейка

Марыя Уладзіміраўна Адамейка
Асноўная інфармацыя
Дата нараджэння	20 мая 1929(1929-05-20)
Месца нараджэння	Днепрапятроўск, Днепрапятроўская акруга[d], УССР, СССР
Дата смерці	13 чэрвеня 1990(1990-06-13) (61 год)
Краіна	СССР
Месца працы	Народны хор імя Г. І. Цітовіча
Музычная дзейнасць
Прафесіі	спявачка
Узнагароды

Марыя Уладзіміраўна Адаме́йка (20 мая 1929, Днепрапятроўск — 13 чэрвеня 1990) — беларуская спявачка. Заслужаная артыстка Беларускай ССР (1963).

Біяграфія

Нарадзілася 20 мая 1929 года ў Днепрапятроўску, Украіна. Яе бацькі паходзілі з вёскі Жыцькава (Барысаўскі раён), куды неўзабаве і вярнулася ўся сям’я. У школьныя гады ўдзельнічала ва ўсіх конкурсах і канцэртах.

Падчас нямецкай акупацыі Беларусі, ва ўзросце 12 гадоў вывезена ў Германію, дзе біржы працы была прададзена ўладальніку бойні. Там дзяўчынка дапамагала прадуктамі савецкім ваеннапалонным, якія знаходзіліся ў лагеры непадалёк, пакуль не была злоўлена гаспадаром, які жорстка пакараў яе. Потым гаспадар майстэрні, дзе працавала шмат суайчыннікаў, выкупіў Марыю ў мясніка.

У 1949—1952 гады Марыя Адамейка працавала мастацкім кіраўніком Чэрвеньскага РДК, на Смалявіцкай ДРЭС, у спецыяльным Барысаўскім дзіцячым доме.

З 1952 года салістка Дзяржаўнага народнага хору Беларусі. Выканальніца беларускіх народных жартоўных песень і прыпевак (сола і ў дуэце з Г. Аўдзеенка).

Ушанаванне памяці

На будынку Жыцькаўскага Дома культуры ўсталявана мемарыяльная дошка ў гонар Марыі Адамейка.

Літаратура

• Адаме́йка Марыя Уладзіміраўна // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 91. — 10 000 экз. — ISBN 985-11-0035-8. — ISBN 985-11-0036-6 (т. 1).
• 37. Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1984. — Т. 1. А капэла — Габелен. — 727 с. — 10 000 экз.