Міхаіл Іванавіч Чулакі

Міхаіл Іванавіч Чулакі
Дата нараджэння	6 (19) лістапада 1908
Месца нараджэння	Сімферопаль, Таўрычаская губерня, Расійская імперыя
Дата смерці	29 студзеня 1989(1989-01-29) (80 гадоў)
Месца смерці	Масква, РСФСР, СССР
Месца пахавання	Увядзенскія могілкі[d]
Краіна	СССР
Дзеці	Mikhail Chulaki[d]
Альма-матар	Санкт-Пецярбургская дзяржаўная кансерваторыя імя М. А. Рымскага-Корсакава Simferopol gymnasium №1[d]
Месца працы	Маскоўская дзяржаўная кансерваторыя імя П. І. Чайкоўскага
Музычная дзейнасць
Педагог	Yakov Bogorad[d] і Уладзімір Уладзіміравіч Шчарбачоў[d]
Прафесіі	кампазітар, музычны педагог
Жанры	балет і сімфонія
Грамадская дзейнасць
Партыя	КПСС
Член у	Саюз кампазітараў СССР[d]
Узнагароды

Міхаіл Іванавіч Чулакі (19 лістапада 1908, г. Сімферопаль, Рэспубліка Крым — 29 студзеня 1989) — расійскі кампазітар, педагог, музычна-грамадскі дзеяч. Народны артыст Расіі (1969). Дзяржаўныя прэміі СССР 1947, 1948, 1950.

Біяграфія

Нарадзіўся 6 (19) лістапада 1908 года ў Сімферопалі ў сям’і судовага прыстава Сімферопальскага акруговага суда Івана Ільіча Чулакі. Скончыў Сімферопальскі музычны тэхнікум (цяпер — Сімферопальскае музычнае вучылішча імя П. І. Чайкоўскага).

У 1931 годзе скончыў Ленінградскую кансерваторыю па класе кампазіцыі У. Шчарбачова.

У 1937—1939 гадах — дырэктар і мастацкі кіраўнік Ленінградскай філармоніі.

З 1951 года працаваў у Камітэце па справах мастацтваў пры СМ СССР, у Міністэрстве культуры СССР.

У 1955—1959 гадах і ў 1963—1970 гадах — дырэктар і мастацкі кіраўнік Вялікага тэатра ў Маскве.

З 1933 года выкладаў у Ленінградскай, з 1948 года — у Маскоўскай кансерваторыях, з 1962 года — прафесар. Сярод яго вучняў: М. А. Бегаліеў, В. В. Бяляеў, Л. Б. Бабылёў, С. В. Жукаў, С. Ю. Каспараў, Я. П. Крылатаў, А. П. Немцін, В. У. Пальчун, Н. М. Шахматаў.

З 1948 года — сакратар Саюза кампазітараў СССР, з 1959 года — Саюза кампазітараў Расіі.

Дэпутат Вярхоўнага Савета РСФСР 6 і 7 скліканняў.

Памёр 29 студзеня 1989 года, пахаваны на Увядзенскіх могілках Масквы.

Творчасць

Сярод твораў: балеты «Казка пра папа і работніка яго Балду» (паст. 1940), «Уяўны жаніх» (паст. 1946), «Юнацтва» (паст. 1947), «Іван Грозны» (на аснове музыкі С. Пракоф’ева да аднайменага балета, паст. 1975); опера «Малады марак сусвету» (1977); 4 сімфоніі (1930—1937), сімфанічны цыкл «Песні і танцы старой Францыі» (1959), кантаты.

Аўтар кніг «Інструменты сімфанічнага аркестра» (1950), «Жывыя ў памяці маёй» (1990). музычна-крытычных артыкулаў.

Літаратура

• Чулакі Міхаіл Іванавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).