Надзея Іванаўна Прышчэп

Надзея Іванаўна Прышчэп
Надзея Іванаўна Прышчэп
Дата нараджэння	24 кастрычніка 1950 (73 гады)
Грамадзянства	Беларусь;
Род дзейнасці	мадэльер
Месца працы	Дом мадэлей; Мінскі дзяржаўны тэхналагічны каледж; Інстытут сучасных ведаў імя А. М. Шырокава; гуманітарны факультэт БДУ;
Вучоба	Беларуская дзяржаўная акадэмія мастацтваў;
Член у	Беларускі саюз дызайнераў;

Надзея Іванаўна Прышчэп (нар. 24 кастрычніка 1950) — беларуская мадэльерка і выкладчыца. Член Беларускага саюза дызайнераў. Дацэнт Інстытута сучасных ведаў імя А. М. Шырокава. Выкладчыца ФСК БДУ.

Біяграфія[правіць | правіць зыходнік]

Распрацоўвала калекцыі мадэляў для швейных прамысловых прадпрыемстваў Беларусі: Полацкай швейнай фабрыкі, Гродзенскай швейнай фабрыкі, Бабруйскай швейнай фабрыкі, а яшчэ для фабрык мастацкіх вырабаў Магілёва, Бабруйска, Віцебска, Гомеля і інш.

З 1985 года працуе ў групе перспектыўнага мадэлявання Беларускага цэнтра моды.

Аўтар сцэнаграфіі і касцюмаў для тэатральных спектакляў: «Камедыя» (сцэнарыст і рэжысёр У. В. Рудаў, Беларускі Дзяржаўны Маладзёжны Тэатр, Альтэрнатыўны тэатр, Мінск); «Царства зямное» (па п’есе Т. Уільямса, Нацыянальны акадэмічны драматычны тэатр імя М. Горкага, Мінск).

З 1997 па 2018 год была дацэнтам Інстытута сучасных ведаў імя А. М. Шырокава. Выкладала дысцыпліны — «асновы кампазіцыі і касцюма», «дызайн-праектаванне касцюма» і інш.

Эксперт Міжнароднага конкурсу «Асамблея Моды» (Масква — Лондан — Парыж — Берлін).

1987 год — дыпламант «Усесаюзнага фестывалю моды-87 у Маскве».
1988 год — дыпламант «I Рэспубліканскага фестывалю моладзевай моды ў Мінску».
1988, 1989 — удзельніца Брытана-савецкіх месячнікаў, якія праходзілі на ВДНГ БССР у Мінску.
2000 — лаўрэатка фестывалю-конкурсу моды «Мадэль года-2000» у Мінску з калекцыяй «Андэграўнд».