Нацыянальны музей Швецыі

Нацыянальны музей Швецыі
Nationalmuseum
Лагатып
Заснаваны	1792
Адкрыты	1792
Месцазнаходжанне	камуна Стакгольм Стакгольм
Адрас	Amiralitetsbacken 1 G:a Amiralitetet, 111 49 Stockholm
Дырэктар	Solfrid Soderlind
nationalmuseum.se (шведск.)
Медыяфайлы на Вікісховішчы

Нацыянальны музей Швецыі (шведск.: Nationalmuseum) — найбуйнейшы ў Швецыі музей выяўленчых мастацтваў.

Агульнае апісанне

У будынку музея, размешчаным у Стакгольме, размешчана каля 16 000 палотнаў і скульптур, прыкладна 30 000 аб’ектаў мастацкага рамяства, а таксама графічная калекцыя сусветнага значэння. У склад Нацыянальнага музея ўваходзяць таксама калекцыі ў замках Грыпсхольм, Дротынгхольм, Страмсхольм, Русенберг, Ульрыксдаль, а таксама музей фарфору ў Густаўсбергу.

Гісторыя

Гісторыя збору бярэ свой пачатак у XVI стагоддзі. Шведскі кароль Густаў Васа паклаў пачатак сваёй калекцыі ў замку Грыпсхольм, якая хутка расла за кошт новых набыццяў, дарункаў і ваенных трафеяў. Шматлікія з італьянскіх палотнаў каралева Крысціна ўзяла з сабой у 1654 годзе ў Рым. У 1697 годзе пажар у замку Трэ Крунур знішчыў значную частку калекцыі.

У 40-х гадах XVIII ст. шведскі пасланец у Парыжы Карл Густаў Тэсін набыў для каралеўскай калекцыі шматлікія французскія палотны. Пасля смерці Густава III у 1792 годзе каралеўская калекцыя была перададзена ў Нацыянальны музей і стала здабыткам грамадскасці. Сучасны будынак музея быў пабудаваны нямецкім архітэктарам Аўгустам Шцюлерам і адкрылася ў 1866 годзе. Жамчужына мастацкага збору — «Змова Юлія Цывіліса» пэндзлі Рэмбрандта (у музеі ёсць яшчэ некалькі прац пэндзля мастака).

Выбраныя працы з калекцыі музея

• П’етра Перуджына, Святы Себасцьян, 174 x 88 cm.
• П'еро дзі Козіма, Маці Божая з немаўлём Хрыстом за кнігай, 83 ? 56 cm
• Лукас Кранах Старэйшы, Плата, 108 x 119 cm.
• Маціяс Груневальд, Галава старога, 190 х 259 cm.
• Эль Грэка, Святыя апосталы Пётр і Павел, 124 x 93 cm.
• Пітэр Паўль Рубенс, Вакханалія на Андросе (копія з арыгінала Тыцыяна), 200 x 215 cm.
• Нікаля Пусэн, Вакх і Эрыгона, 98 x 74 xm.
• Себасцьян Бурдон, Хрысціна, каралева Швецыі, 72 x 58 cm.
• Хасэ дэ Рыбера, Пакутніцтва Святога Варфаламея, 208 x 157 cm.
• Рэмбрант, Змова Юлія Цывіліса, 196 x 309 cm.
• Франсіска дэ Сурбаран, Плашчаніца, 70 x 51,5 cm.
• Франс Хальс Жанчына са складзенымі рукамі, 98 х 70 cm.
• Жорж дэ Ла Тур, Пакаянне Святога Іераніма, 156 x 106 cm.
• Джавані Батыста П'яцэта, Экстаз Святой Тэрэсы, 46 x 38 cm.
• Джавані Батыста Т'епола, Вялікадушнасць Сцыпіёна, 61 x 44 cm.
• Жан-Антуан Вато, Урок кахання, 44 x 61 cm.
• Франсуа Бушэ, Трыўмф Венеры, 130 x 62 cm.
• Жан-Анарэ Фраганар, Бескарыснае супраціўленне 45 x 60,5 cm.
• Жан Сімеон Шардэн, Трус і медны кацялок, 68 x 57 cm.
• Томас Гейнсбара, Лэдзі Эрдлі, 215 x 149 cm.
• Франсіска Гоя, Алегорыя Канстытуцыі 1812 года, 294 x 244 cm.
• Аляксандр Рослін, Дама пад накідкай, 65 x 54 cm.
• Карл Фрэдрык Хіл, Сена пад Буа-ле-Руа, 53 х 72 cm.
• Тэадор Жэрыко, Галовы пакараных, 50 x 61 cm.
• Каміль Каро, Чывіта-Кастэлана, 36 x 51 cm.
• Анарэ Дам'е, Добрая бутэлька, 22 x 29 cm.
• Гюстаў Курбэ, Жо, прыгожая ірландка, 54 x65 cm.
• Эдуар Манэ, Юнак, які чысціць грушу, 85 x 71 cm.
• Эдгар Дэга, Тры рускія танцоркі, 62 x 67 cm.
• Каміль Пісаро, Пантуаз, 65 x51 cm.
• Тулуз-Латрэк, У цырку. Эквілібрыстка, 47 x 32 cm.
• Агюст Рэнуар, Жабнік, 66 x 81 cm.
• Поль Сезан, Нацюрморт з гіпсавым Купідонам, 63 x 81 cm.
• Поль Гаген, Пейзаж у Брэтані, 72 x 91 cm.
• Вінсент Ван Гог, Святло скрозь навісь з галін, 33 x 24 cm.
• Андэрс Цорн, Танец у Іванову ноч, 140 x 98 cm.
• Андэрс Цорн, Даларнскія дзяўчыны ў саўне, 86 x 53 гл
• П’ер Банар, Аголены натуршчык, 122 x 38 cm.

Спасылкі

• На Вікісховішчы ёсць медыяфайлы па тэме Нацыянальны музей Швецыі