Нямецка-беларускае таварыства
Нямецка-беларускае таварыства | |
---|---|
Краіна | |
Адміністрацыйны цэнтр | |
Тып арганізацыі | клуб[d] |
Заснаванне | |
Дата заснавання | 1999 |
Нямецка-беларускае таварыства, таксама Германска-беларускае таварыства[1] (ням.: Deutsch-belarussische Gesellschaft) — грамадскае аб’яднанне ў Германіі, якое займаецца развіццём сувязяў з Беларуссю.
Гісторыя
[правіць | правіць зыходнік]У 1997 годзе праведзена канфэрэнцыя «Мінскі форум», якая стала штогадовай. З лета 1999 году арганізацыяй мерапрыемства стала займацца ўтворанае Нямецка-беларускае таварыства. Разам з форумам, аб’яднанне далучылася да розных грамадскіх, культурных, палітычных і навуковых праектаў, якія спрыяюць абмену і сеткавым сувязям паміж дзвюма краінамі. Таварыства наладзіла супрацоўніцтва з прадстаўнікамі дзяржаўных установаў, няўрадавымі арганізацыямі, аналітычнымі цэнтрамі, экспертамі, актывістамі, дзеячамі культуры і інш.
У 2006 годзе Нямецка-беларускае таварыства арганізавала святкаванне стагоддзя газеты «Наша Ніва» ў Берліне[2][3]. У 2011 годзе яно выступіла партнёрам кааліцыі «Без візы!», мэтай якой было прасоўванне ідэі скасавання візавага рэжыму паміж Беларуссю і ЕС.
Таварыства неаднаразова выступала з крытыкай парушэнняў правоў чалавека ў Беларусі. У 2011 годзе аб’яднанне выступіла з патрабаваннем спыніць праявы гвалту і пераследу апазыцыі, якія пачаліся пасля пратэстаў 2010 года, а таксама неадкладнага вызвалення ўсіх палітычных зняволеных[4]. У сакавіку 2012 году члена праўлення арганізацыі Астрыд Заам было адмоўлена ва ўездзе ў Беларусь[5].
Крыніцы
[правіць | правіць зыходнік]- ↑ Аб удзеле намесніка Міністра замежных спраў Беларусі А.Купчыной у міжнароднай канферэнцыі «Мінскі форум» — МЗС Беларусі, афіцыйны сайт, 25.11.2016
- ↑ Сьвяткаваньне 100-годзьдзя «Нашай Нівы» пачнецца з Бэрліна — Наша Ніва, 06.09.2006
- ↑ «Наша Ніва» ў Бэрліне — Беларуская служба Польскага радыё, 19.06.2006
- ↑ Нямецка-беларускае таварыства: «Свабода меркаваньняў — гэта не крымінал» — Радыё Свабода, 05.01.2011
- ↑ Кіраўнік «Нямецка-беларускага таварыства» асудзіў дзеянні Менска — Хартыя'97, 23.03.2012