Ніна Уладзіміраўна Кожар

Ніна Уладзіміраўна Кожар
Ніна Уладзіміраўна Кожар
Дата нараджэння	20 красавіка 1952 (72 гады)
Месца нараджэння	Гродна, Гродзенская вобласць, БССР, СССР;
Альма-матар	архітэктурны факультэт БНТУ (1974);
Месца працы	Упраўленне па будаўніцтве і архітэктуры Мінаблвыканкама[d]; БНТУ; Чэнстахоўская палітэхніка;
Навуковая ступень	доктар архітэктуры (2002) і доктар тэхнічных навук (2005)
Навуковае званне	прафесар; член-карэспандэнт Беларускай акадэміі архітэктуры[d];
Член у	Беларускі саюз архітэктараў;

Ніна Уладзіміраўна Кожар (нар. 20 красавіка 1952, г. Гродна) — беларускі архітэктар і тэарэтык архітэктуры. Прафесар (2005), доктар архітэктуры (2002, Расія; 2003, Беларусь), доктар тэхнічных навук (2005, Польшча). Член-карэспандэнт Беларускага грамадскага аб'яднання архітэктараў і дзеячаў будаўнічых навук (БААрх) (2004).

Біяграфія[правіць | правіць зыходнік]

Скончыла ў 1974 годзе архітэктурны факультэт Беларускага політэхнічнага інстытута (выкладчыкі Н. М. Макляцова, Л. М. Рымінскі, В. М. Волчак). Член Саюза архітэктараў з 1988 года.

У 1974—1975 гадах старэйшы архітэктар аддзела сельскага будаўніцтва Упраўлення па будаўніцтве і архітэктуры Мінаблвыканкама; з 1975 года працуе ў Беларускім політэхнічным інстытуце (цяпер БНТУ): старэйшым лабарантам (1975-77), асістэнтам (1977-90), старэйшым выкладчыкам (1990-93), дацэнтам (1993—2003), прафесарам (з 2003); з 2006 года прафесар Чэнстахоўскага тэхнічнага ўніверсітэта (Польшча).

Навуковая дзейнасць[правіць | правіць зыходнік]

Звыш 75 навуковых друкаваных прац, апублікаваных у Беларусі, Расіі, Германіі, Польшчы. Сярод іх: манаграфіі «Архітэктурная тэорыя эпохі рамантызму ў Германіі і развіццё заходнееўрапейскага дойлідства канца XVIII — першай паловы XIX стст.»; «Горадабудаўнічае мастацтва Новага часу і горадабудаўнічая тэорыя Італіі, Аўстрыі і Германіі. Матэрыялы Рас. Акадэміі архітэктуры і будаўнічых навук» (сааўтары Т. Ф. Саварэнская^[ru], І. А. Бандарэнка^[ru], Д. А. Швідкоўскі^[ru]); даведнікі і навучальныя дапаможнікі «Архітэктары. Кароткі біяграфічны слоўнік» (сааўтары І. І. Камарова і інш.); «Рысунак пяром і тушшу» (сааўтар Г. А. Дубавіцкая), «Гісторыя архітэктуры: курс лекцый па дысцыпліне „Гісторыя архітэктуры і горадабудаўніцтва“» (Н. С. Будыка); «Архітэктурная дэталь» (сааўтары В. Ф. Марозаў, А. М. Каласоўская, Г. А. Лаўрэцкі). Метадычныя ўказанні да курсавога праекта па дысцыпліне «Архітэктурнае праектаванне». Аўтар больш як 60 навуковых артыкулаў.

Узнагароды[правіць | правіць зыходнік]

Лаўрэат Нацыянальнага фестывалю архітэктуры ў намінацыі «Лепшы цыкл прац па адзінай тэматыцы» (Гомель, 2003).

Зноскі

Літаратура[правіць | правіць зыходнік]

Кожар Нина Владимировна // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)