Ордэн Працоўнага Чырвонага Сцяга БССР

З пляцоўкі Вікіпедыя
Jump to navigation Jump to search
Ордэн Працоўнага Чырвонага Сцяга БССР
Орден Трудового Красного Знамени БССР.jpg
Краіна Flag of the Byelorussian Soviet Socialist Republic (1927-1937).svg Беларуская ССР
Тып ордэн[d]
Каму ўручаецца грамадзяне БССР
Падставы ўзнагароджання за асаблівую самаадданасць, іні­цыятыву і працавітасць у вырашэнні гаспадарчых за­дач у вобласці паляпшэння прамысловасці, транс­парту, арганізацыі сельскай гаспадаркі і іншых галін працы
Статус не ўручаецца
Статыстыка
Дата заснавання 1924 год
Першае ўзнагароджанне 19 снежня 1924
Апошняе ўзнагароджанне 1932
Колькасць узнагароджанняў каля 170

Ордэн Працоўнага Чырвонага Сцяга БССР — першы беларускі ордэн. Мастак: Генадзь Яўгенавіч Змудзінскі. Узнагарода адліта ў Маскве. Планавалася вырабіць 300 экзэмпляраў ордэна. Ордэн Працоўнага Чыр­вонага Сцяга БССР уручаны амаль 30 працоўным і воінскіх калектывам і каля 140 чалавекам. Уручэнне ордэна працягвалася да 1933 года. Знак ордэна мацаваўся на левым баку грудзей. Яго нашэнне было абавязковым на пасяджэннях з'ез­даў Саветаў, на сесіях ЦВК БССР, на афіцыйных парадах і ўрачыстых пасяджэннях, у дні рэвалюцый­ных свят. Выдаваўся бясплатна, меў адну ступень і за новыя працоўныя дасягненні ўзнагароджанне магло быць ажыццёўле­на паўторна.

Гісторыя[правіць | правіць зыходнік]

25 ліпеня 1924 года распрацаваны праект ордэна быў прыняты на пасяджэнні Прэзідыума ЦВК БССР. 12 кастрычніка 1924 года газета «Савецкая Беларусь» апублікавала па­лажэнне аб новай узнагародзе. Ордэн прысуджаўся ўсім грамадзянам БССР, якія праявілі асаблівую самаадданасць, іні­цыятыву і працавітасць у вырашэнні гаспадарчых за­дач у вобласці паляпшэння прамысловасці, транс­парту, арганізацыі сельскай гаспадаркі і іншых галін працы. У сувязі з чым першыя ордэнскія знакі ўруча­ліся ў асноўным рабочым і сельскім працаўнікам. Ордэнаў за № 1 і № 2 былі ўдастоены меліярацый­ныя таварыствы ў сёлах Васількі Бялыніцкага і Аст­рэні Чавускага раёнаў. За актыўны ўдзел у сацбудаўніцтве ўзнагароду рэспублікі атрымалі прадстаўні­кі заводаў «Энергія» і «Бальшавік» у Мінску, «Чырвоны металіст» у Віцебску, фанернай фабрыкі «Чырвоны Кастрычнік» (1929) у Мазыры, папяровай фабрыкі «Герой працы» ў Добрушы.

Апісанне[правіць | правіць зыходнік]

Аснову ор­дэнскага знака склаў традыцыйны для беларускага рэгіёна геральдычны шчыт у выглядзе картуша чырвонага колеру. Малюнак ордэна ўяў­ляў сабой складаную кампазіцыю: выява самога ордэна на фоне чырвонага сцяга, рэалістыч­ныя вобразы беларускага рабочага і селяніна, нацыянальны арнамент, прылады працы, сплеценыя па­між сабой галінкі лаўра і каласы пшаніцы. Выкананы па цэнтры надпіс на беларускай мове звяртаў ува­гу на заслугі ўзнагароджанага: «Цэнтральны Выканаўчы Камітэт Беларускай Сацыялістычнай Савецкай Рэспублікі ў знак выпаўненьня (імярэк) свайго абавязку перад Сацыялістычнай Бацькаўшчынай на фронце Працы дае у нагароду яму знак Ордэну Працоўнага Чырвонага Штандару БССР № … — сым­боль сусьветнай Сацыялістычнай Рэвалюцыі»[1].

Вядомыя ардэнаносцы[правіць | правіць зыходнік]

Зноскі

  1. газета «Звязда», № 27748, 2014, С.6, Аляксандр Самовіч, Анатоль Вялікі