Павел Усаў

Павел Усаў
Павел Усаў
	; Павел Усаў у Варшаве, 4 снежня 2022
Дата нараджэння	1975
Месца нараджэння	Магілёў, Магілёўская вобласць, БССР, СССР;
Грамадзянства	Беларусь;
Род дзейнасці	палітолаг
Месца працы	МДУ імя А. А. Куляшова; Варшаўскі ўніверсітэт;
Навуковая ступень	доктар палітычных навук[d] (2012)
Альма-матар	гістарычны факультэт МДУ імя А. А. Куляшова[d] (1998); Цэнтр даследаванняў Усходняй Еўропы Варшаўскага ўніверсітэта[d];
Партыя	БСДП;

Павел Усаў (нар. 1975, Магілёў) — беларускі палітолаг.

Доктар грамадскіх навук (2011). Член Беларускага нацыянальнага сакратарыята «Вольная Беларусь» (з 2020 года). Прафесар-ад’юнкт Варшаўскага ўніверсітэта (на 2022 год).

Біяграфія[правіць | правіць зыходнік]

У 1998 годзе скончыў гістарычны факультэт Магілёўскага дзяржаўнага ўніверсітэта. Узначальваў Магілёўскую гарадскую суполку «Маладых сацыял-дэмакратаў». У 2003 годзе скончыў аспірантуру ў Беларускім дзяржаўным універсітэце на кафедры паліталогіі, а таксама магістратуру ў Школе Усходняй Еўропы Варшаўскага ўніверсітэта. У 2003—2005 гадах працаваў выкладчыкам паліталогіі ў Магілёўскім дзяржаўным універсітэце. У 2004 годзе ўзначаліў Магілёўскую гарадскую суполку Беларускай сацыял-дэмакратычнай партыі «Грамада» і вылучыўся кандыдатам на парламенцкіх выбарах. У 2006 годзе паступіў ва Уроцлаўскі ўніверсітэт па стыпендыі імя Лэйна Кіркланда. Пазней стаў весці ва ўніверсітэтах Польшчы і Славакіі паліталагічныя лекцыі пра дзяржаўны лад Беларусі, Расіі і Украіны. Заснаваў у Варшаве Цэнтр палітычнага аналізу і прагнозаў, у якасці кіраўніка якога выступаў экспертам у перадачах Беларускай службы Польскага радыё, а таксама ў Беларускім цэнтры еўрапейскіх даследаванняў. Паступіў у дактарантуру Школы грамадскіх навук Польскай акадэміі навук (ПАН). У 2011 годзе атрымаў ступень доктара грамадскіх навук у Інстытуце палітычных даследаванняў ПАН за абарону дысертацыі «Станаўленне і ўмацаванне неааўтарытарнага рэжыму ў Беларусі ў 1994—2010 гадах», якую выдаў у 2014 годзе асобнай кнігай на 360 старонак (ISBN 978-83-64091-25-4). Да 2015 года стаў аўтарам звыш 500 паліталагічных артыкулаў, у тым ліку ў часопісе «ARCHE Пачатак».

У красавіку 2017 года выступіў суаўтарам Народнай праграмы «Вольная Беларусь»^[3]. У ліпені 2020 года ўвайшоў у склад Беларускага нацыянальнага сакратарыята «Вольная Беларусь»^[4]. Працаваў прафесарам-ад’юнктам у Варшаўскім універсітэце^[5].

У 2024 годзе завочна асуджаны ў Беларусі да 11 гадоў пазбаўлення волі па справе «аналітыкаў Святланы Ціханоўскай»^[6].

Сям’я[правіць | правіць зыходнік]

У шлюбе з Вольгай Старасцінай, маюць дзяцей.

Зноскі

↑ Pavel Usov // MAK
<a href="https://wikidata.org/wiki/Track:Q105192847"></a>
↑ https://mbasic.facebook.com/pavel.usov.10
↑ Зянон Пазняк, Павел Вусаў, Сяргей Папкоў, Юрый Беленькі, Павел Мірановіч, Лявон Баршчэўскі, Юрый Цехановіч, Мікалай Крыжаноўскі. Народная Праграма «Вольная Беларусь». — Варшава: Беларускія ведамасці, 2017. — 72 с. — 300 экз. — ISBN 978-83-935476-7-8.
↑ Паведамленне (Мемарандум аб стварэнні Беларускага нацыянальнага сакратарыята за мяжой Беларусі) (нявызн.)(недаступная спасылка). Кансерватыўна-хрысціянская партыя БНФ (9 жніўня 2020). Архівавана з першакрыніцы 13 верасня 2022. Праверана 16 верасня 2022.
↑ Зміцер Лукашук. Амністыя Лукашэнкі за пратэсты, «атручэнне» Сахашчыка, крах Форума Цапкалы, Кабінет (нявызн.). Еўрапейскае радыё для Беларусі (6 верасня 2022). Праверана 16 верасня 2022.
↑ 20 «аналітыкам Ціханоўскай» прысудзілі гіганцкія завочныя тэрміны. Больш за ўсіх — Дабравольскаму (нявызн.). Наша Ніва (1 ліпеня 2024).

Спасылкі[правіць | правіць зыходнік]

Павел Вусаў (нявызн.). Беларуская служба Радыё «Свабода» (2 жніўня 2016). Праверана 16 верасня 2022.
Павел Вусаў. Меркаванні (нявызн.). Тэлеканал «Белсат» (29 ліпеня 2022). Праверана 16 верасня 2022.

[_b3d7d9d8d7bfba23-1] Pavel Usov // MAK
<a href="https://wikidata.org/wiki/Track:Q105192847"></a>

[_117560acb82bf5ec-2] ttps://mbasic.facebook.com/pavel.usov.10

[3] Зянон Пазняк, Павел Вусаў, Сяргей Папкоў, Юрый Беленькі, Павел Мірановіч, Лявон Баршчэўскі, Юрый Цехановіч, Мікалай Крыжаноўскі. Народная Праграма «Вольная Беларусь». — Варшава: Беларускія ведамасці, 2017. — 72 с. — 300 экз. — ISBN 978-83-935476-7-8.

[4] Паведамленне (Мемарандум аб стварэнні Беларускага нацыянальнага сакратарыята за мяжой Беларусі) (нявызн.)(недаступная спасылка). Кансерватыўна-хрысціянская партыя БНФ (9 жніўня 2020). Архівавана з першакрыніцы 13 верасня 2022. Праверана 16 верасня 2022.

[5] Зміцер Лукашук. Амністыя Лукашэнкі за пратэсты, «атручэнне» Сахашчыка, крах Форума Цапкалы, Кабінет (нявызн.). Еўрапейскае радыё для Беларусі (6 верасня 2022). Праверана 16 верасня 2022.

[6] 20 «аналітыкам Ціханоўскай» прысудзілі гіганцкія завочныя тэрміны. Больш за ўсіх — Дабравольскаму (нявызн.). Наша Ніва (1 ліпеня 2024).

[1]

[2]

[3]

[4]

[5]

[6]