Пальчатакарэннік

Пальчатакарэннік
Пальчатакарэннік Русава
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Архідныя Падсямейства:  Orchidoideae Трыба:  Orchideae Род:  Пальчатакарэннік
Міжнародная навуковая назва
Dactylorhiza Neck. ex Nevski, 1937
Арэал
Сістэматыка на Віківідах Выявы на Вікісховішчы ITIS   43549 NCBI   59319 EOL   29137 GRIN   g:3356 IPNI   29213-1

Пальчатакарэннік (Dactylorhiza) — род кветкавых раслін Архідныя (Orchidaceae).

Апісанне

Шматгадовыя травяністыя расліны вышынёй да 60 см. Клубні сціснутыя, пальчатараздзельныя (адсюль назва). Сцёблы прамыя, шчыльныя. Лісце чаргаванае, падоўжана-яйцападобнае, зялёнае або з цёмнымі буравата-чырвонымі плямамі. Кветкі няправільныя, жоўтыя, пурпуровыя, ружовыя, фіялетава-чырвоныя ў коласападобных суквеццях. Плод — каробачка.

Распаўсюджанне

Род налічвае больш за 150 (115, па іншых звестках каля 30) відаў. Пашыраны ў Еўразіі, Паўночнай Афрыцы і Паўночнай Амерыцы. На тэрыторыі Беларусі 6 відаў. Найбольш вядомыя: пальчатакарэннік майскі (Dactylorhiza majalis), пальчатакарэннік мяса-чырвоны (Dactylorhiza incarnata), пальчатакарэннік плямісты (Dactylorhiza maculata), пальчатакарэннік Фукса (Dactylorhiza fuchsii), пальчатакарэннік балтыйскі (Dactylorhiza longifolia). Трапляюцца ў вільготных лясах, на лугах, балотах, па берагах вадаёмаў.

Гаспадарчае значэнне

Лекавыя і дэкаратыўныя расліны.

Літаратура

• Пальчатакарэннік // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Пальчатокоренник: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Dactylorhiza (англ.) // The Plant List