Плутас

Плутас
грэч. Πλούτος
Міфалогія	старажытнагрэчаская міфалогія
Сфера ўплыву	багацце[d]
Пол	мужчынскі пол
Бацька	Ясіён
Маці	Дэметра
Медыяфайлы на Вікісховішчы

Уільям Блэйк: Ілюстрацыя да «Боскай камедыі» Дантэ, Пекла, Песня VII, 1-15, Плутас, Дантэ і Вергілій.

Плу́тас (стар.-грэч.: Πλοῦτος — багацце, дастатак; шчасце, лац.: Plutus) — сын Ясіёна і Дэметры, бог багацця. У старажытныя часы міфатворчасці атаясамляўся з Плутонам як уладальнікам падземных багаццяў.

Спачатку Плутас быў хтанічным бажаством, заступнікам ўраджаю хлябоў. Паводле Гесіёда, ён нарадзіўся на тройчы ўзараным поле на востраве Крыт. Пасля Плутас звязвалі з Эйрэнай — ўвасабленнем мірнага жыцця, якое параджае багацце, з багіняй лёсу Цюхэ, з Афінай Эрганай (Заступніцай рамёстваў) і г.д.. Паводле больш позняй версіі, за несправядлівае размеркаванне багацця Зеўс асляпіў Плутас, Асклепій вярнуў яму зрок. Пасля бог Плутас пераасэнсоўваецца як увасабленне багацця. У антычным мастацтве распаўсюджаны вобраз Плутаса ў выглядзе юнака, які трымае ў руках рог дастатку.

Гл. таксама

• Плутон
• Аід
• Плутакратыя

Спасылкі

• На Вікісховішчы ёсць медыяфайлы па тэме Плутас
• Ploutos or Plutus (англ.)