Помнік Францішку Багушэвічу (Жупраны)

Помнік
Помнік Францішку Багушэвічу
54°28′11″ пн. ш. 26°05′13″ у. д.
Краіна	Беларусь
Аграгарадок	Жупраны
Скульптар	Заір Азгур
Дата заснавання	1958
Дата пабудовы	1958 год
Статус	Гісторыка-культурная каштоўнасць Беларусі, шыфр 412Ж000734
Матэрыял	бронза, чырвоны граніт

Помнік Францішку Багушэвічу — помнік класіку беларускай літаратуры Францішку Багушэвічу ў аграгарадку Жупраны Ашмянскага раёна.

Пастаўлены ў 1958 годзе ў скверы. Аўтарам помніка стаў скульптар Заір Азгур. Помнік уяўляе сабой пагрудны бронзавы бюст вышынёй 0,9 м па пастаменце вышынёй 2,16 м з 2 неапрацаваных глыб чырвонага граніту. Рысы твару перададзены з партрэтным падабенствам: высокі лоб, шырокая барада, вусы, цвёрды сканцэнтраваны позірк. Сурдут з высокай засцежкай, пакінуты па плечы плашч дапаўпяюць характарыстыку вобраза. Каля помніка — кветнікі і дэкаратыўныя кусты.

2 жніўня 2016 года Пастановай Савета Міністраў Рэспублікі Беларусь помніку нададзены статус гісторыка-культурнай каштоўнасці Беларусі рэспубліканскага значэння.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Гродзенская вобласць. — 371 с., іл.

Спасылкі

• Помнік Францішку Багушэвічу (Жупраны) на сайце «Архіварта»