Пражская друкарня Скарыны

Пра́жская друка́рня Скары́ны — друкарня ў Празе, заснаваная беларускім першадрукаром Францыскам Скарынам дзеля выдання беларускай Бібліі.

Месцазнаходжанне

Паводле некаторых звестак, размяшчалася ў будынку на Старамесцкай плошчы. Дом, збудаваны ў 1371 годзе, захаваўся і цяпер знаходзіцца па адрасе Старамесцкая плошча, 22. У XVI стагоддзі перабудаваны з гатычнага ў рэнесансным стылі, а ў XVII — у барочным. Паводле чэшскіх беларусістаў Вацлава Жыдліцкага і Міласлава Зімы, друкарня Скарыны размяшчалася на другім паверсе будынку^[1].

Паводле іншага меркавання, Францішак Скарына арандаваў друкарню купца Северына (чэшск.: Severín). Яна размяшчалася на вулачцы, якая пачыналася ад касцёла Св. Мікалая (чэшск.). Будынак не захаваўся, цяпер на гэтым месцы знаходзіцца парк^[2].

Паводле трэцяй версіі, Скарына мог арандаваць і друкарню Конача.

Друкаванне

Друкарня была заснавана Скарынам пры падтрымцы віленскіх мецэнатаў Якуба Бабіча і Багдана Онькава. У Празе Скарына надрукаваў у 1517—1519 гадах 23 кнігі Старога Запавету. Паколькі да 1517 года ён ужо меў большасць перакладзеных і падрыхтаваных тэкстаў, можна сцвярджаць, што ён пачаў працаваць у Празе не пазней за 1515—1516 гады^[2].

У 1520—1521 з'ехаў у Вільню.

Гл. таксама

Віленская друкарня Скарыны

Зноскі

↑ Абламейка, Сяргей. Дзе была пражская друкарня Скарыны? (нявызн.). Радыё «Свабода» (6 жніўня 2013).
↑ ^а ^б Лямешкін, Ілля. Увекавечанне памяці Скарыны ў Чэхіі (нявызн.). Бібліі Рускай Францішка Скарыны — 500. Бібліятэка Акадэміі навук Літвы.

Літаратура

Уладзімер Пічэта Друк на Беларусі ў XVI і XVII сталецьцях // Чатырохсотлецьце беларускага друку, 1525—1925. — Мн.: 1926. — С. 228—261.

[abłam-1] Абламейка, Сяргей. Дзе была пражская друкарня Скарыны? (нявызн.). Радыё «Свабода» (6 жніўня 2013).

[mab-2] а ^б Лямешкін, Ілля. Увекавечанне памяці Скарыны ў Чэхіі (нявызн.). Бібліі Рускай Францішка Скарыны — 500. Бібліятэка Акадэміі навук Літвы.

[1]

[2]