Айты (прэфектура)

Айты
яп.: 愛知県
Герб Сцяг
Краіна	Японія
Гімн	Warera ga Aichi[d]
Уваходзіць у	Японія
Адміністрацыйны цэнтр	Нагоя
Дата ўтварэння	8 мая 1872
Кіраўнік	Hideaki Ōmura[d]
Насельніцтва	7 521 192 чал. (1 красавіка 2021)
Плошча	5 165,04 ± 0,01 км²
Часавы пояс	UTC+9
Код ISO 3166-2	JP-23
Афіцыйны сайт (англ.) Афіцыйны сайт (яп.)
Медыяфайлы на Вікісховішчы

Айты — прэфектура Японіі, знаходзіцца ў рэгіёне Цюбу на востраве Хонсю. Адміністрацыйны цэнтр прэфектуры — горад Нагоя.

Гісторыя

Першапачаткова гэтая тэрыторыя ўваходзіла ў тры правінцыі — Авары, Мікава і Хо. Пасля перыяду Тайка правінцыі Мікава і Хо былі аб’яднаны. У 1871 годзе, пасля ліквідацыі сістэмы ханаў, Авары, за выключэннем паўвострава Ціта, была названая «прэфектурай Нагоя», у той час як Мікава была аб’яднаная з паўвостравам Ціта і ўтварыла прэфектуру Нуката. Прэфектура Нагоя была перайменавана ў прэфектуру Айты ў красавіку 1872 года і затым была аб’яднаная з прэфектурай Нуката 27 лістапада таго ж года.

Геаграфія

Прэфектура мае выхад да Ціхага акіяна і мяжуе на поўначы з прэфектурамі Гіфу і Нагана, на захадзе — з Міэ, на ўсходзе з прэфектурай Сідзуока. Плошча прэфектуры — 5165,12 км², насельніцтва — 7 439 876 чалавек (1 чэрвеня 2014), шчыльнасць насельніцтва — 1.440,41 чал./км². Самы высокі пункт — гара Цяўсуяма, 1 415 м над узроўнем мора.

На захадзе прэфектуры сканцэнтравана насельніцтва вакол горада Нагоя, у той час як на ўсходзе вялікая частка тэрыторыі мала заселеная, хоць і ўключае ў сябе некалькі значных індустрыяльных цэнтраў.

Адміністрацыйна-тэрытарыяльны падзел

Прэфектура ўключае ў сябе 37 гарадоў і 7 паветаў (15 пасёлкаў і 2 вёскі).