Раздавім фашысцкую гадзіну

З Вікіпедыі, свабоднай энцыклапедыі
«Раздавім фашысцкую гадзіну»
«Раздавім фашысцкую гадзіну», №32, 1942
«Раздавім фашысцкую гадзіну», №32, 1942
Арыгінальная
назва
Раздавім фашысцкую гадзіну
Тып газета
Краіна
Мова беларуская і руская

«Разда́вім фашы́сцкую га́дзіну» — сатырычнае савецкае выданне для партызан і насельніцтва Беларусі ў час Другой сусветнай вайны.

Выдавалася з ліпеня 1941 года да мая 1945 года (да сакавіка 1942 года агітацыйны плакат на рускай мове — руск.: «Раздавим фашистскую гадину»). З сакавіка 1942 года газета-плакат, пазней — сатырычны часопіс ЦК КП(б)Б. Спачатку выдаваўся ў Гомелі, потым у прыфрантавой паласе, у Маскве, у Навабеліцы, Мінску. Выданне змяшчала фельетоны, памфлеты, літаратурныя творы, карыкатуры, якія высмейвалі нацысцкіх дзеячаў і войска, заклікалі да барацьбы з ворагам.

У выданні друкаваліся творы Якуба Коласа, Янкі Купалы, Анатоля Астрэйкі, Петруся Броўкі, Янкі Брыля, Кандрата Крапівы, Кузьмы Чорнага, Івана Ахрэмчыка, Л. Брадатага, Анатоля Волкава[1] і іншых пісьменнікаў і мастакоў.

Са снежня 1945 года выданне пачало выходзіць як сатырычна-гумарыстычны часопіс «Вожык»

Зноскі

  1. Волков и «Вожык»(недаступная спасылка) // Газета «Рэспубліка», № 81 (5496). Пятница, 04 мая 2012 г. (руск.)

Літаратура[правіць | правіць зыходнік]

  • Пазнякоў М. П. «Раздавім фашысцкую гадзіну» // Беларуская энцыклапедыя: У 18 т. Т.13: Праміле — Рэлаксін / Рэдкал.: Г. П. Пашкоў і інш. — Мн.: БелЭн, 2001. — Т. 13. — 576 с. — 10 000 экз. — ISBN 985-11-0216-4 (Т. 13).

Спасылкі[правіць | правіць зыходнік]