Рыверслей і Наракорт

Рыверслей
англ.: Australian Fossil Mammal Sites

Размяшчэнне	Аўстралія
Аб’ект Сусветнай спадчыны
Australian Fossil Mammal Sites (Рыверслей)
Спасылка	№ 698 у спісе аб’ектаў Сусветнай спадчыны (en)
Тып	Прыродны
Крытэрыі	viii, ix
Рэгіён	Краіны Азіі і Ціхага акіяна
Уключэнне	1994 г.  (невяд. сесія)

Рыверслей і Наракорт (англ.: Riversleigh and Naracoorte) — рэгіёны Аўстраліі, дзе знойдзена мноства акаменелых парэшткаў старажытных аўстралійскіх млекакормячых. З 1994 г. уваходзяць у спіс Сусветнай спадчыны ЮНЕСКА.

На падставе вывучэння акаменеласцей, знойдзеных у гэтых мясцовасцях, вучоныя робяць высновы не толькі аб эвалюцыі жывёльнага света Аўстраліі, але і аб развіцці жыцця на Зямлі.

Наракорт

Рыверслей знаходзіцца на паўночным захадзе штата Квінслэнд, побач з водараздзелам ракі Грэгары. Яго плошча — 10 тыс. га. Гэты арэал надзвычайна багаты на акаменелыя парэшткі млекакормячых, якія жылі ў міяцэнавую эпоху (15-25 млн гадоў таму). Акаменеласці заключаны ў вапняковыя тоўшчы, і таму яны добра захаваліся. У Рыверслеі знойдзены акаменелыя парэшткі больш за 35 відаў лятучых мышаў. Гэта своеасаблівы сусветны рэкорд.

Прыкладна ў 2000 км ад Рыверслея ў штаце Паўднёвая Аўстралія знаходзяцца халодныя пячоры Наракорта. Іх плошча — каля 300 га. Акаменеласці, знойдзеныя тут, з'яўляюцца выдатнай ілюстрацыяй эвалюцыйных падзей, якія адбываліся на тэрыторыі Аўстраліі на працягу некалькіх ледніковых перыядаў.

Літаратура

• Тысяча чудес света. — СПб: ООО «СЗКЭО», 2007. — 336 с. (руск.)

Сусветная спадчына ЮНЕСКА, аб'ект № 698 рус. • англ. • фр.