Свята-Мікалаеўская царква (Суднікі, Вілейскі раён)

З Вікіпедыі, свабоднай энцыклапедыі
У паняцця ёсць і іншыя значэнні, гл. Свята-Мікалаеўская царква.
Праваслаўны храм
Царква Свяціцеля Мікалая, архіепіскапа Мір Лікійскіх
54°27′04″ пн. ш. 27°14′06″ у. д.HGЯO
Краіна  Беларусь
Вёска Суднікі
Канфесія Беларуская праваслаўная царква
Епархія Маладзечанская
Благачынне Ільянскае
Архітэктурны стыль беларускае народнае дойлідства
Будаўніцтва 1980—1982 гады
Стан дзейная
Map
Лагатып Вікісховішча Медыяфайлы на Вікісховішчы

Свята-Мікалаеўская царква — праваслаўны храм у в. Суднікі Вілейскага раёна Мінскай вобласці. З'яўляецца прыпісным да прыходу Успення Прасвятой Багародзіцы ў аг. Вязынь.

Настаяцель: протаіерэй Міхаіл Чурыла[1], настаяцель храма Свята-Успенская царквы ў аг. Вязынь.

Гісторыя[правіць | правіць зыходнік]

Свята-Мікалаеўская царква ў Судніках

Пабудавана з дрэва, на старадаўніх вясковых могілках. Папярэднюю драўляную царкву разабралі ў 1960-ых гг. і пабудавалі з яе ўласны дом[2]. Сучасны будынак стаіць у невялікай адлегласці ад старога падмурку. Будаўніцтва пачалося ў 1980 г., а скончылася ў 1982 годзе; вялося на сродкі мясцовых вернікаў з удзелам айца Георгія з Ільянскай царквы. Ініцыятарам і будаўніком быў Іван Лашутка з братамі Грыгорыем і Ігнатам (жыхары суседняй в. Баяры).

Архітэктура[правіць | правіць зыходнік]

Твор народнага дойлідства. Прамавугольны ў плане аб'ём пад двусхільным дахам з вальмай над алтарнай часткай. Чатырохгранны барабан над апсідай завершаны цыбулепадобнай галоўкай. Да фасада далучаны прытвор з дошак. Аздоблена вертыкальнай шалёўкай, пафарбаванай у сіні колер.

Зноскі

  1. ↑ Чурило Михаил Николаевич Архівавана 8 кастрычніка 2018. (руск.) // Маладзечанская епархія
  2. ↑ Хата з прывідамі і бясследна зніклы пахомаўскі абраз: што прываблівае ўфолагаў у вёскі Вілейшчыны Архівавана 8 кастрычніка 2018. // Рэгіянальная газета

Спасылкі[правіць | правіць зыходнік]

Узята з "https://be.wikipedia.org/w/index.php?title=Свята-Мікалаеўская_царква_(Суднікі,_Вілейскі_раён)&oldid=4618815"