Свята-Ільінская царква (Ілья)

З пляцоўкі Вікіпедыя
Jump to navigation Jump to search
Праваслаўны храм
Свята-Ільінская царква
Царква Святога Прарока Іллі.
Свята-Ільінская царква (Ілья) 02.jpg
Свята-Ільінская царква
54°25′05,23″ пн. ш. 27°17′45,50″ у. д.HGЯO
Краіна Flag of Belarus.svg Беларусь
Аграгарадок Ілья
Канфесія Беларуская праваслаўная царква
Епархія Маладзечанская епархія
Благачынне Ільянскае
Архітэктурны стыль Народнае дойлідства
Дата пабудовы 1828 год
Стан дзейнічае
Лагатып Вікісховішча Свята-Ільінская царква на Вікісховішчы

Свята-Ільінская царква — праваслаўны храм у цэнтры агагарадка Ілья Вілейскага раёна. Афіцыйны адрас: вул. 17 Верасня, 38, аг. Ілья, Вілейскі раён, Мінская вобласць. Да прыхода прыпісана капліца Святых апосталаў Пятра і Паўла ў в.Казлы.

Настаяцель: протаіерэй Нікончык Віктар Іванавіч[1].

Гісторыя[правіць | правіць зыходнік]

У пачатку ХХ ст.

Пабудавана ў 1828 годзе з дрэва, за час свайго існавання царква не зачынялася[2][3], адноўлена ў 1990-я і 2010-ыя гг. Паводле здымка Я. Балзункевіча ў пачатку ХХ стагоддзя, царква размяшчалася на ўзвышшы, а агароджа была тынавай. Шалёўку франтона ўпрыгожвалі геаметрычныя ўзоры.

Архітэктура[правіць | правіць зыходнік]

Помнік народнага дойлідства з рысамі стылю «мадэрн». Прамавугольнае ў плане збудаванне пад стромкім трохсхільным дахам з вальмай над алтарнай часткай, якая завершана макаўкай на чатырохгранным барабане. Галоўны фасад вырашаны ў выглядзе галерэі (падсені) на чатырох слупах, якія абапіраюцца на цагляны падмурак. Трохвугольны франтон з нішай у выглядзе абрыса купала-цыбуліны. Маленькі бабінец з бакавымі дзвярамі звернуты ўнутр царквы. Над ім — хоры на квадратных слупах. Ашаляваныя сцены прарэзаны высока ўзнятымі прамавугольнымі аконнымі праёмамі і ўмацаваны брусамі-сцяжкамі ў прасценках.

Інтэр'ер[правіць | правіць зыходнік]

У агульных габарытах малітоўнай залы перагародкамі вылучаны невялікі прытвор, над якім створаны хоры, і прамавугольная апсіда з бакавымі рызніцамі, вылучаная драўляным трох'ярусным іканастасам, дэкарыраваным накладной разьбой.

Зноскі

Літаратура[правіць | правіць зыходнік]

Спасылкі[правіць | правіць зыходнік]