Свідовец

Свідовец
Характарыстыка
Даўжыня	61 км
Плошча басейна	600 км²
Басейн	Дняпро
Басейн рэк	Чорнае мора
Вадацёк
Выток
· Каардынаты	51°26′25″ пн. ш. 28°04′01,44″ у. д.
Вусце	рака Убарць
· Каардынаты	51°44′11,87″ пн. ш. 28°17′49,95″ у. д.
Ухіл ракі	1,44 м/км
Размяшчэнне
Краіна	Украіна, Беларусь
Рэгіён	Гомельская вобласць
Раён	Лельчыцкі раён
выток вусце

Свідовец, Свідоўка, Балотніца, Плотніца (укр.: Свидівка) — рака ў Оўруцкім і Алеўскім раёнах Жытомірскай вобласці Украіны і Лельчыцкім раёне Гомельскай вобласці Беларусі, правы прыток ракі Убарць.

Даўжыня 61 км (на тэрыторыі Беларусі 16 км). Плошча вадазбору 600 км². Сярэдні нахіл воднай паверхні 1,44 ‰. Пачынаецца за 6 км на паўночны захад ад вёскі Кованка Алеўскага раёна, вусце каля вёскі Картынічы (раней рака ўпадала ў раку Лохніца — прыток Убарці). Рэчышча шырынёй ад 6—8 да 15 м, на тэрыторыі Беларусі каналізаванае (даўжыня 16 км). Рака цячэ па лясістай мясцовасці ў межах Палескай нізіны. Даліна невыразная амаль на ўсім працягу. Пойма чаргуецца па берагах, у ніжнім цячэнні суцэльная.

Літаратура

• Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.
• Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш.. — Мн.: БелЭн, 2002. — Т. 14. — С. 256. — 512 с. — 10 000 экз. — ISBN 985-11-0238-5 (Т. 14).
• Республика Беларусь. Гомельская область. Лельчицкий район: карта. Лельчицы: план / Ред. В.А. Змачинская.. — Минск: РУП «Белкартография», 2007. — 3 000 экз.