Сцяг акругі Калумбія

Сцяг акругі Калумбія
ЗША
Зацверджаны	15 кастрычніка 1938

Сцяг акругі Калумбія (Сцяг Вашынгтона, акруга Калумбія, англ.: Flag of Washington, D.C.) — адзін з афіцыйных сімвалаў федэральнай акругі Калумбія, ЗША.

Гісторыя і апісанне

Акруга Калумбія не мела ўласнага сцяга аж да 1938 года. Замест яго неафіцыйна выкарыстоўваліся іншыя сцягі, у тым ліку сцяг нацыянальнай гвардыі акругі. У 1937 годзе камандаванне нацыянальнай гвардыі акругі прапанавала выкарыстоўваць часовы сцяг, фон якога выкананы ў сінім колеры, і ў цэнтры якога размешчана выява Капітолія. У 1938 годзе кангрэс ЗША склікаў камісію для стварэння афіцыйнага сцяга акругі. Камісія абвясціла грамадскі конкурс, пераможцам якога стаў графічны дызайнер Чарлз Дан, які прапанаваў свой варыянт яшчэ ў 1921 годзе. Выява сцяга яго аўтарства была заснавана на фамільным гербе Джорджа Вашынгтона. 15 кастрычніка 1938 года пастанова аб прыняцці сцяга набыла моц.

У пастанове прыводзіцца апісанне сцяга:

Верхняя белая частка павінна складаць 3/10 вышыні палатна; дзве гарызантальныя палосы павінны быць у 2/10 ад вышыні; белая частка паміж палосамі — 1/10 ад вышыні; ніжняя белая частка — 2/10 ад вышыні. Тры пяціканцовых зоркі павінны мець у папярочніку 2/10 ад вышыні палатна і быць роўнааддаленыя ў гарызантальнай плоскасці палатна. Арыгінальны тэкст (англ.)   The proportions of the design are prescribed in terms of the hoist, or vertical height, of the flag as follows: the upper white portion shall be 3/10 of the hoist; the two horizontal bars are each 2/10 of the hoist; the white area between the bars 1/10 of the hoist; and the base, or lowest white space, is 2/10 of the hoist. The three five-pointed stars have a diameter of 2/10 of the hoist and are spaced equidistant in the fly, or horizontal, dimension of the flag.

У 2004 годзе Вексілалагічная Асацыяцыя ЗША правяла сярод сваіх членаў галасаванне, каб выбраць лепшы сцяг сярод 150 гарадоў ЗША. Сцяг акругі Калумбія заняў першае месца.

Гл. таксама

• Пячатка акругі Калумбія