Сцяпан Іванавіч Журык

Сцяпан Іванавіч Журык
Дата нараджэння	12 (24) жніўня 1898
Месца нараджэння	Крупка, Навасёлкаўская воласць, Ігуменскі павет, Мінская губерня, Расійская імперыя
Дата смерці	25 лістапада 1938(1938-11-25) (40 гадоў)
Месца смерці	ГУЛАГ, СССР
Грамадзянства	БССР
Род дзейнасці	аграном, публіцыст
Навуковая сфера	жывёлагадоўля
Месца працы	Народны камісарыят земляробства БССР Беларуская дзяржаўная сельскагаспадарчая акадэмія Інстытут беларускай культуры Доследная станцыя па свінагадоўлі[d] Беларускі філіял Усесаюзнага навукова-даследчага інстытута свінагадоўлі[d]
Навуковае званне	прафесар
Альма-матар	Мар’інагорскі дзяржаўны аграрна-тэхнічны каледж імя У. Е. Лабанка Беларуская дзяржаўная сельскагаспадарчая акадэмія
Член у	Беларуская секцыя студэнтаў Горацкага сельскагаспадарчага інстытута
Медыяфайлы на Вікісховішчы

Сцяпан Іванавіч Журык (12 (24) жніўня 1898, в. Крупка, Ігуменскі павет, цяпер Пухавіцкі раён — 25 лістапада 1938) — дзеяч беларускага маладзёжнага руху, вучоны ў галіне жывёлагадоўлі, аграном, публіцыст. Член-карэспандэнт Інбелкульта (1925), прафесар (1930).

Біяграфія

Вучыўся ў Мар’іна-Горскім вучылішчы. У 1917 годзе член рэвалюцыйнага камітэта навучэнцаў вучылішча.

У 1919—1920 гадах працаваў у Наркамаце земляробства Літ-Бел ССР. У 1919—1921 гадах старшыня Беларускай секцыі студэнтаў Горацкага сельскагаспадарчага інстытута; скончыў інстытут у 1924 годзе. На пачатку 1920-х гадоў адзін з ідэолагаў беларускага маладзёжнага і студэнцкага нацыянальнага руху; па гэтай тэме выступаў у друку.

З 1925 года асістэнт Беларускай сельскагаспадарчай акадэміі; член-карэспандэнт Інбелкульта.

З 1928 года дырэктар доследнай станцыі па свінагадоўлі ў Малой Сляпянцы пад Менскам. З 1930 года прафесар. У 1931—1933 гадах прафесар кафедры і дырэктар Беларускага дзяржаўнага інстытута свінагадоўлі.

Арыштаваны ДПУ БССР 11 студзеня 1933 года. Паводле пастановы Калегіі АДПУ СССР ад 9 ліпеня 1933 года накіраваны ў лагеры. Паўторна асуджаны 2 лістапада 1938 года. Памёр у зняволенні ў Сібіры. Па першым прысудзе рэабілітаваны Ваенным трыбуналам Беларускай ваеннай акругі 21 жніўня 1956 года, па другім — Ваенным трыбуналам Сібірскай ваеннай акругі 12 мая 1965 года.

Навуковая дзейнасць

Аўтар навук даследаванняў па заатэхніцы, механізацыі працы на фермах.

Творы

• Культурна-асветная праца Беларускае Секцыі студэнтаў Горацкага сельскагаспадарчага інстытуту // Савецкая Беларусь. 1921,19 чэрв.;
• Халоднае сіласаванне. Мн., 1928,
• Пытанні бэконізацыі ў БССР. Мн., 1930.

Літаратура

• Журык Сцяпан Іванавіч // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
• Васілеўскі Ю. Журык Сцяпан Іванавіч // Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — 10 000 экз. — ISBN 985-11-0041-2.