Сіпурка (рака)
| Сіпурка | |
|---|---|
| Характарыстыка | |
| Даўжыня | 18 км |
| Басейн | 258 км² |
| Вадацёк | |
| Выток | |
| • Каардынаты | 52°33′04,68″ пн. ш. 23°26′23,56″ у. д.HGЯO |
| Вусце | |
| • Каардынаты | 52°32′53,51″ пн. ш. 23°38′55,53″ у. д.HGЯO |
| Ухіл ракі | 1,5 м/км |
| Размяшчэнне | |
| Краіна | |
| Рэгіён | Брэсцкая вобласць |
  выток  вусце |
|
 выток вусце |
|
Сіпу́рка — рака ў Польшчы і Камянецкім раёне Брэсцкай вобласці.
Назва[правіць | правіць зыходнік]
Назва *Сіпура (> Сіпурка) мае балцка-яцвяжскае паходжанне.
Той жа корань у назве ракі Сіпа (прыток нёманскай Шчары ў гэтым жа рэгіёне).
Літоўскі гідранімічны аналаг — назва ракі *Šipė[1]. Заходнябалцкім мовам (прускай і яцвяжскай) уласцівы пераход š, ž > s, z. На гэтай падставе да яцвяжскіх таксама залучаюцца назвы Свіцязь, Зэльва, *Zeita (> Zietela > Дзятлава), бо ва ўсходнябалцкім літоўскім афармленні яны мелі б выгляд Švit-, Želv-, Žiet-. Апошнія два, апроч таго, у непасрэднай блізкасці да Сіпы.
У сіпурскай назве корань Sip- пашыраны пашыральнікам -ur-, які вядомы ў літоўскім словаўтварэнні: dubti «угінацца» — duburys «вір», у рачных назвах Ind-ura, Vint-ura[2].
Гідраграфія[правіць | правіць зыходнік]
Даўжыня 18 км[3]. Плошча вадазбору 258 км²[4]. Сярэдні нахіл воднай паверхні 1,5 ‰. Пачынаецца на тэрыторыі Польшчы, цячэ па паўночнай частцы Прыбугскай раўніны. Зліваецца з ракой Палічна на поўдзень ад вёскі Стаўповіскі, утвараючы раку Белая. Рэчышча на працягу 12 км (ад сажалкі каля вёскі Сіпурка да вусця) каналізаванае.
Заўвагі[правіць | правіць зыходнік]
- ↑ A. Vanagas. Lietuvių hidronimų etimologinis žodynas. — Vilnius, 1980. — С. 331.
- ↑ P. Skardžius. Rinktiniai raštai. T. 1. Vilnius, 1996. C. 307—309.
- ↑ Агульная характарыстыка рачной сеткі Брэсцкай вобласці / Даведнік «Водныя аб’екты Рэспублікі Беларусь» (руск.)
- ↑ Асноўныя характарыстыкі рачных басейнаў Брэсцкай вобласці / Даведнік «Водныя аб’екты Рэспублікі Беларусь» (руск.)
Літаратура[правіць | правіць зыходнік]
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Республика Беларусь. Брестская область. Каменецкий район: карта. Каменец: план / Ред. В.А. Змачинская, И.Н. Шлык.. — Минск: РУП «Белкартография», 2012. — 1 000 экз.