Тамара Цімафееўна Сарокіна

Тамара Цімафееўна Сарокіна
Тамара Цімафееўна Сарокіна
Дата нараджэння	1 студзеня 1927 (97 гадоў)
Месца нараджэння	Улукаўе, Улукаўскі сельсавет, Гомельскі раён, Гомельская акруга, БССР, СССР;
Грамадзянства	СССР; Беларусь;
Род дзейнасці	вучоная
Навуковая сфера	псіхіятрыя
Месца працы	БДМУ; Міністэрства аховы здароўя БССР;
Навуковая ступень	доктар медыцынскіх навук (1978)
Навуковае званне	прафесар;
Альма-матар	Мінскі медыцынскі інстытут (1950);
Узнагароды

Тамара Цімафееўна Саро́кіна^[1] (нар. 1 студзеня 1927) — беларускі вучоны, псіхіятр, доктар медыцынскіх навук (1978), прафесар (1979).

Біяграфія

Нарадзілася ў вёсцы Улукаўе (цяпер — Гомельскі раён Гомельскай вобласці). У 1945 годзе скончыла сярэднюю школу^[2], у 1950 годзе — Мінскі медыцынскі інстытут. У 1950—1953 гадах клінічны ардынатар кафедры псіхіятрыі інстытута. У 1954—1957 гадах праходзіла навучанне ў аспірантуры і ў 1957 годзе абараніла кандыдацкую дысертацыю^[2]. У 1957—1971 гадах асістэнт, у 1971—1973 — дацэнт, 1973—1989 — загадчык, з 1989 — прафесар кафедры псіхіятрыі. Адначасова ў 1973—1989 гадах займала пасаду галоўнага судовага псіхіятра Міністэрства аховы здароўя БССР^[2].

Навуковая дзейнасць

Т. Ц. Сарокінай належаць больш за 160 навуковых прац^[2], у тым лік 3 навучальных дапаможнікаў для студэнтаў па клініка-эксперыментальных даследаваннях шызафрэніі, спадчыннай схільнасці да яе, расстройстве псіхікі ў жанчын у перыяд цяжарнасці. Сааўтар шэрагу манаграфій, аўтар навукова-папулярных брашур па праблемах псіхіятрыі.

Кіравала падрыхтоўкай 3 доктарскіх і 7 кандыдацкіх дысертацый. Член праўленняў навуковых таварыстваў неўрапатолагаў і псіхіятраў СССР, БССР і Беларусі, генетыкаў БССР, атэстацыйнай камісіі па псіхіятрыі, псіхіятрычнага савета Міністэрства аховы здароўя БССР^[2]. Абіралася дэпутатам Фрунзенскага раённага Савета Мінска (1950—1953)^[2].

Зноскі

↑ БелЭн 2002.
↑ ^а ^б ^в ^г ^д ^е Сорокина Тамара Тимофеевна Архівавана 19 жніўня 2021. (руск.) // Сайт БДМУ

Літаратура

Сарокіна Тамара Цімафееўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 186. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

Сарокіна Тамара Цімафееўна на сайце анлайн-энцыклапедыі «Беларусь у асобах і падзеях»
Сорокина Тамара Тимофеевна Архівавана 19 жніўня 2021. (руск.) // Сайт БДМУ

[FOOTNOTEБелЭн2002-1] БелЭн 2002.

[БДМУ-2] а ^б ^в ^г ^д ^е Сорокина Тамара Тимофеевна Архівавана 19 жніўня 2021. (руск.) // Сайт БДМУ

[1]

[2]