Тыцыян Юстынавіч Табідзэ

Тыцыян Табідзэ
ტიციან ტაბიძე
Асабістыя звесткі
Імя пры нараджэнні	Тыцыян Юстынавіч Табідзэ
Дата нараджэння	21 сакавіка (2 красавіка) 1895
Месца нараджэння	Чквішы[d], Кутаіскі павет[d], Кутаіская губерня[d], Каўказскае наместніцтва[d], Расійская імперыя
Дата смерці	16 снежня 1937(1937-12-16) (42 гады)
Месца смерці	Тбілісі, Грузінская ССР, СССР
Грамадзянства	Расійская імперыя  Закаўказская Дэмакратычная Федэратыўная Рэспубліка  Грузінская Дэмакратычная Рэспубліка  СССР
Альма-матар	гісторыка-філалагічны факультэт Маскоўскага ўніверсітэта[d]
Прафесійная дзейнасць
Род дзейнасці	паэт
Кірунак	Рускі сімвалізм
Жанр	вершы, аповесці, паэмы, раман у вершах
Мова твораў	грузінская; руская
Медыяфайлы на Вікісховішчы

Тыцыян Юстынавіч Табідзэ (груз. ტიციან ტაბიძე; 21 сакавіка (2 красавіка) 1895, сяло Чквішы, Кутаіская губерня — 16 снежня 1937) — грузінскі паэт.

Біяграфія

Нарадзіўся ў сям’і сельскага святара. З 1905 года вучыўся ў Кутаіскай гімназіі — там жа, дзе і У. У. Маякоўскі. Рана пачаў пісаць вершы, з 6 класа гімназіі (1912 год) друкаваў вершы і пераклады рускіх і французскіх паэтаў на грузінскую мову — спачатку ў кутаіскіх газетах, а затым і ў тыфліскіх.

Скончыў у 1917 годзе гісторыка-філалагічны факультэт Маскоўскага ўніверсітэта. У Маскве зблізіўся з рускімі сімвалістамі. Адзін з арганізатараў грузінскай сімвалісцкай групы «Блакітныя рогі» (1915), рэдагаваў орган гэтай групы «Барыкады». Кожнага паэтычнага госця Тбілісі першымі сустракалі, як правіла Тыцыян Табідзэ і Паала Яшвілі. Табідзэ ў гэтых адносінах працягваў традыцыю славутага паэта Аляксандра Чаўчавадзэ.

У верасні 1924 года яны сустрэлі Сяргея Ясеніна. У 1931 годзе Грузію наведаў Барыс Пастарнак, дзе і адбылася гістарычная сустрэча двух паэтаў, якія сталі блізкімі сябрамі. У пачатку 1937 года ў Маскве і Ленінградзе прайшлі творчыя вечары Тыцыяна Табідзэ; у тым жа годзе ён быў рэпрэсаваны, расстраляны 16 снежня 1937. Рэабілітаваны пасмяротна.

На беларускую мову асобныя вершы пераклаў Максім Лужанін.

Літаратура

• Табі́дзе Тыцыян Юстынавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 366. — 10 000 экз. — ISBN 985-11-0035-8. — ISBN 985-11-0251-2 (т. 15).
• Табидзе Тициан Юстинович / Чилая С. Е. // Т. 25. Струнино — Тихорецк. — М. : Советская энциклопедия, 1976. — С. 160—161. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Barnes, Christopher J. (2004), Boris Pasternak: A Literary Biography, p. 147. Cambridge University Press, ISBN 0521520738