Перайсці да зместу

AP$ENT

Дадаць спасылкі
З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Кісляк.
AP$ENT
Асноўная інфармацыя
Дата нараджэння 31 ліпеня 1988(1988-07-31) (36 гадоў)
Месца нараджэння
Краіна
Жонка Марыя
Альма-матар
Музычная дзейнасць
Прафесіі музыкант
Жанры рок-музыка
Калектыў Crisis Creep, AP$ENT
Лагатып Вікісховішча Медыяфайлы на Вікісховішчы

Арсень Аляксеевіч Кісляк (нар. 31 ліпеня 1988, Харкаў, Украіна) — беларускі спявак і аўтар электроннага праекта «AP$ENT» раней «APSENT».

Псеўданім выдуманы Арсенем у сувязі з зоркай Палын (грэч. ἀψίνθιον, апсінтыён або ἄψινθος, апсінтас), потым з раслінай падобнай назвы (Artemísia absínthium) і ўрэшце з алкагольным напоем (фр.: absinthe), куды дадаюць гэту расліну. Таксама AP$ENT пішацца графічна падобна да Арсень.

Біяграфія

[правіць | правіць зыходнік]

Калі Арсеню быў год, разам з маці ён пераехаў з Харкава ў Магілёў. Вырас у Беларусі, у сям’і без бацькі. У 17 гадоў граў у панк-гурце Crisis Creep, які аднойчы выступаў на канцэрце з «Дай дарогу!». Атрымаў вышэйшую адукацыю ў МДУХ па спецыяльнасці таваразнавец-эксперт, але ні дня не працаваў па ёй. Працаваў у банку і меў уласную фірму[2].

Летам 2018 года на грошы заробленыя ў бізнесе стварыў электронны праект «AP$ENT».

У 2020 браў удзел у «Карантынабачанні» з трэкам «Мылю і малюся»[2].

На пачатку 2022 года экстранна эвакуіраваўся разам з жонкай з Беларусі ў Грузію, пасля таго як жонку затрымалі за каментарый у тэлеграм-канале і прысудзілі ёй год «хіміі» з накіраваннем[3]. Пасля перабраліся ў Польшчу, усе рэчы і абсталяванне пакінуў у Беларусі. Пазней атрымаў дапамогу ад збору арганізаванага BYSOL[4].

Творчасць

[правіць | правіць зыходнік]

Сваю творчасць называе «даволі вострасацыяльнай»[5].

Музыцы вучыўся самастойна, а на падрыхтоўку стварэння электроннага праекта Арсеню спатрэбілася каля паўгода. Першая песня на YouTube канале музыканта з подпісам «APSENT — Стол № 9» выйшла ў 2018 годзе.[6]

Першы ўсплёск папулярнасці адбыўся пасля ўдзелу ў «Карантынабачанні». Песня «Мылю і малюся» пра каранавірус прайшла ў фінал і атрымала добрую ацэнку ад лідара Little Big Іллі Прусікіна.[7] Другі ўсплёск адбыўся пасля выпуску песень «Жыве!», «2020», (руск.: "Я не боюсь") і (руск.: "Песенка весёлого белоруса"), пасля прэзідэнцкіх выбараў 2020 года ў Беларусі, аднак сам музыка не лічыць свае песні палітычнымі[2]. Наступны ўсплёск адбыўся, пасля выпуску трэка «Super Star» на YouTube і выкарыстання песні «Можна я з табою» ў расійскім серыяле[8][9].

За 2023 год у праекта каля 3,5 мільёны праслухоўванняў у Spotify і больш за 25 мільёнаў праслухоўванняў у «Яндэксе»[5][10][11].

У сакавіку 2024 года ў сацсетках завірусіўся трэк «Можно я с тобой», карыстальнікі ТыкТока выкарыстоўвалі яго ў роліках пра вымушаную эміграцыю ці выратаванне бяздомных жывёл[3]. Песня была створана ў Грузіі пасля такой жа вымушанай эміграцыі сям’і Арсеня[3]. Трэк увайшоў у топ-чарты ўсіх расійскіх музычных сэрвісаў: 2-е месца ў чартах «Яндэкс Музыкі» і «МТС Музыкі», 4-ю пазіцыя ў «VK Музыцы». 27 сакавіка «Яндэкс Музыка» атрымала ад Раскамнагляду афіцыйнае патрабаванне аб абмежаванні доступу да старонкі артыста[12].

Погляды

[правіць | правіць зыходнік]

Пра маўчанне зорак беларускай эстрады пасля выбараў у прэзідэнты Рэспублікі Беларусь у 2020 годзе Арсень казаў:

-- Чаму людзі, якія сапраўды могуць нешта зрабіць, маўчаць? Добра, што выказваюцца хаця б незалежныя музыканты. У іх і аўдыторыя болей. Таму што колькі ўжо можна маўчаць?

Да 2020 года Арсень не размаўляў па-беларуску. Пасля хвалі народнага яднання 2020 года ў Беларусі і поўнамаштабнага ўварвання Расіі ва Украіну, беларуская мова дапамагла музыканту ў жаданні адмежавацца ад рускіх Z-патрыётаў[5]. Арсень пазіцыянуе сябе як беларускага музыканта і выступае супраць вайны ва Украіне і вайны агулам[2].

Дыскаграфія

[правіць | правіць зыходнік]

Паказаны песні са стрымінгавых пляцовак.[10]

Год Назва Арыгінальная назва Каментар Альбом
2018 Стол № 9 Стол № 9 Першая версія ў сеціве.[6] —
2018 Лэдзі Дэман Леди Демон Першая версія ў сеціве.[13] —
2019 Стол № 9 Стол № 9 Другая версія ў сеціве.[14] Сем
2019 Лэдзі Дэман Леди Демон Другая версія ў сеціве.[15] Сем
2019 Шкодная злосная Вредная злобная — Сем
2019 Паці.by Пати.by — Сем
2019 Святло Свет — Сем
2019 Пагуглі, што значыць каханне… Погугли, что значит любовь… — Сем
2019 Шкло Стекло — Сем
2019 Быць сабою Быть собой — —
2019 На траве На траве — —
2019 Заход Закат — —
2019 Сэрца Сердце Сумесна з LUCIFER —
2019 Напэўна Наверно — —
2019 Схаладала Похолодало — —
2019 Стол 9.0 Стол 9.0 — —
2019 Не зая Не зая — —
2019 Атлантыда Атлантида — —
2020 Мылю і малюся Мылю и молюсь — —
2020 Зорка Звезда — —
2020 По сустрэчнай По встречной — —
2020 Песенька вясёлага беларуса Песенка весёлого белоруса — —
2020 Родны край Родной край — —
2020 Я не баюся Я не боюсь — —
2020 Тры ллер Три ллер — —
2020 Надвор’е Погода — —
2020 Жыве! Жыве! — —
2020 Покерфэйс Покерфэйс — —
2020 Прпгндн Прпгндн — —
2020 2020 2020 — —
2021 Не бачна зорак Не видно звёзд — —
2021 Поў шостага Pol shestogo — —
2021 Смерці больш няма Смерти больше нет Кавер на «Ic3Peak — Смерти больше нет» —
2021 Вата Вата — —
2021 Сабачка Пёсик — —
2021 Як ты там? Как ты там? — —
2021 Асноўная з прычын Основная из причин — —
2021 Сезон дажджоў Сезон дождей — —
2021 Ну што ты такі сур’ёзны Ну что ты такой серьёзный — —
2021 Супер зорка Super Star — —
2022 Узнагарода Награда — —
2022 Можна я з табою? Можно я с тобой? — —
2022 Цемра Цемра — —
2022 Лайналак Лайналак — —
2023 Падскурны тлушч Подкожный жир — —
2023 Мроя Mroja Сумесна з MuzManya —
2023 Страцілі хлопца Потеряли пацана — —
2023 Каханне Kachanne — —

Відэаграфія

[правіць | правіць зыходнік]

Паказаны спіс кліпаў са стрымінгавых пляцовак.

Год Назва Арыгінальная назва Рэжысёр Каментар
2020 Мылю і малюся (1м) Мылю и молюсь(1м)[16] Сатырычнае відэа.
2020 Мылю і малюся (Unofficial) Мылю и молюсь (Unofficial)[17] Неафіцыйны кліп да песні самастойна зняты карыстальнікамі «vlad_laim», «dmmmtr», «outside.exsee»
2022 Цемра (AI) Цемра (AI)[18] Погляд нейрасеткі Midjourney на тэкст песні Цемра. Ілюстрацыі цалкам згенераваны нейрасеткай з запытаў складзеных па сэнсе тэксту песні, анімацыя і пераходы рабіліся ўручную.
2023 Каханне Kachanne[19] Рынцук Выстаробскі Афіцыйнае відэа на песню.

Крыніцы

[правіць | правіць зыходнік]
  1. ↑ https://belsat.eu/ru/news/31-08-2022-belarusskij-muzykant-ap-ent-rasskazal-o-tom-pochemu-uehal-s-semej-v-gruziyu
  2. ↑ а б в г Улляна Будзік. Інтэрв'ю з аўтарам песні пра «дзядзьку Сашу і цётку Ліду», якога называюць новым «Ляпісам» . belsat.eu (31.08.2022 / 16:36). Праверана 28 лістапада 2023.
  3. ↑ а б в Песня пра вымушаную міграцыю стала гімнам коцікаў: завірусіўся трэк беларускага спевака AP$ENT . Наша Ніва (11 сакавіка 2024). Праверана 28 сакавіка 2024.
  4. ↑ Дапамога рэпрэсаванай сям'і музыкі AP$ENT(нявызн.)(недаступная спасылка). Архівавана з першакрыніцы 18 снежня 2023. Праверана 28 лістапада 2023.
  5. ↑ а б в Ганна Стафановіч. «Дядя Саша, без обид, но вам никто не рад». Пагутарылі з беларускім спеваком AP$ENT, чые песні збіраюць мільёны праслухоўванняў(нявызн.). Наша Ніва (19.11.2023 / 20:39). Праверана 28 лістапада 2023.
  6. ↑ а б ApSent. APSENT - Стол №9(нявызн.) (24 ліп 2018 г.). Праверана 28 лістапада 2023.
  7. ↑ Мылю и молюсь: финалист "Карантиновидения" о ковиде и мечте (руск.). РИА Новости Крым (05.12.2020 / 18:09). Праверана 28 лістапада 2023.
  8. ↑ AP$ENT - Super Star(нявызн.) (30 сне 2021 г.). Праверана 28 лістапада 2023.
  9. ↑ Саундтреки (руск.)(недаступная спасылка). www.kinopoisk.ru (5 лістапада 2023). Архівавана з першакрыніцы 3 снежня 2023. Праверана 3 снежня 2023.
  10. ↑ а б AP$ENT (англ.). Spotify. Праверана 28 лістапада 2023.
  11. ↑ AP$ENT. Яндекс Музыка. Праверана 28 лістапада 2023.
  12. ↑ «Яндэкс Музыка» заблакавала старонку шалёна папулярнага беларускага выканаўцы Ap$ent . Наша Ніва (28 сакавіка 2024). Праверана 28 сакавіка 2024.
  13. ↑ Леди Демон(нявызн.). Праверана 28 лістапада 2023.
  14. ↑ Стол 9 (англ.) (16 чэрвеня 2019). Праверана 28 лістапада 2023.
  15. ↑ Леди Демон (англ.) (16 чэрвеня 2019). Праверана 28 лістапада 2023.
  16. ↑ AP$ENT - Мылю и молюсь(1м)(нявызн.). Праверана 28 лістапада 2023.
  17. ↑ AP$ENT - Мылю и молюсь (Unofficial)(нявызн.). Праверана 28 лістапада 2023.
  18. ↑ AP$ENT - Цемра (AI)(нявызн.). Праверана 28 лістапада 2023.
  19. ↑ AP$ENT. AP$ENT - Kachanne (Official Music Video)(нявызн.) (1 снежня 2023). Праверана 8 студзеня 2024.

Узята з "https://be.wikipedia.org/w/index.php?title=AP$ENT&oldid=4821865"