Уладзімір Мікалаевіч Жабінскі

Уладзімір Мікалаевіч Жабінскі
Дата нараджэння	5 ліпеня 1960(1960-07-05) (64 гады)
Месца нараджэння	Шутавічы, Шутавіцкі сельсавет, Смаргонскі раён, Гродзенская вобласць, БССР, СССР
Грамадзянства	СССР  Беларусь
Род дзейнасці	навуковец, хімік
Месца працы	Інстытут біяарганічнай хіміі НАН Беларусі
Навуковая ступень	доктар хімічных навук (2000)
Навуковае званне	член-карэспандэнт НАН Беларусі
Альма-матар	БДУ (1982)
Прэміі

Уладзімір Мікалаевіч Жабінскі (нар. 5 ліпеня 1960, в. Шутавічы, Смаргонскі раён, Гродзенская вобласць) — беларускі хімік-арганік. Член-карэспандэнт (2017), доктар хімічных навук (2000), дацэнт (2011).

Біяграфія

Скончыў Беларускі дзяржаўны ўніверсітэт імя У. І. Леніна (1982).

З 1982 года ў Інстытуце біяарганічнай хіміі АН БССР, з 2003 года галоўны навуковы супрацоўнік.

Узнагароды

Дзяржаўная прэмія Рэспублікі Беларусь (1996) за цыкл прац «Сінтэз, даследаванне і выкарыстанне брасінастэроідаў — новага класа гармонаў раслін».

Навуковая дзейнасць

Даследаванні ў галіне хімічнага сінтэзу і выкарыстання стэроідаў, у прыватнасці, гармонаў раслін-брассінастероідаў. Шэраг работ прысвечаны распрацоўцы метадаў пабудовы структурных фрагментаў поліфункцыяналізіраванных стэроідаў. Ажыццявіў сінтэз важнейшых брасінастэроідаў, адпаведных ізатопна- і флуарэсцентна мечаных вытворных. Удзельнічаў у распрацоўцы канцэпцыі рэгуляцыі жыццяздольнасці і прадуктыўнасці раслін з дапамогай стэроідных гармонаў, стварэнні і ўкараненні прынцыпова новых аграпрэпаратаў і экалагічна дружалюбных тэхналогій на гэтай аснове.

Аўтар больш за 350 навуковых прац, у тым ліку 7 манаграфій.

Бібліяграфія

• Брассиностероиды. Минск, 1993 (в соавт.).
• Brassinosteroids. A New Class of Plant Hormones. San Diego, 1999.
• Steroid plant hormones: effects outside plant kingdom // Steroids. 2015. Vol. 97 (в соавт.).

Літаратура

• Беларуская энцыклапедыя. У 18 т. Т. 18, кн. 1. — Мінск, 2004.
• Дзяржаўныя прэміі Беларускай ССР і Рэспублікі Беларусь у галіне навукі і тэхнікі, 1972—2002 : даведнік. — Мінск, 2004.

Спасылкі

• Жабінскі Уладзімір Мікалаевіч на сайце анлайн-энцыклапедыі «Беларусь у асобах і падзеях»
• ЖАБИНСКИЙ Владимир Николаевич (руск.) // Сайт НАНБ
• Уладзімір Мікалаевіч Жабінскі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)