Уільям Уіндам

Уільям Уіндам
англ.: William Windom
33-і Міністр фінансаў ЗША 8 сакавіка 1881 — 13 лістапада 1881
Папярэднік	Джон Шэрман
Пераемнік	Чарлз Фолджэр
39-ы Міністр фінансаў ЗША 7 сакавіка 1889 — 29 студзеня 1891
Папярэднік	Чарлз Фэрчайлд
Пераемнік	Чарлз Фостэр
Нараджэнне	10 мая 1827(1827-05-10) Belmont County[d], Агая, ЗША
Смерць	29 студзеня 1891(1891-01-29) (63 гады) Нью-Ёрк, Нью-Ёрк, ЗША
Месца пахавання	Могілкі Рок Крык[d]
Веравызнанне	квакеры
Партыя	Рэспубліканская партыя ЗША
Дзейнасць	палітык, адвакат
Месца працы	Міністэрства фінансаў ЗША
Аўтограф
Медыяфайлы на Вікісховішчы

Уільям Уіндам (англ.: William Windom; 10 мая 1827 — 29 студзеня 1891) — амерыканскі палітык, член Рэспубліканскай партыі, 33-і і 39-ы міністр фінансаў ЗША.

Біяграфія

Уільям Уіндам нарадзіўся ў акрузе Бельмант, штат Агаё. У 1850 годзе атрымаў юрыдычную адукацыю, а ў 1852 годзе Уіндам быў абраны пракурорам акругі Кнокс, Агаё. У 1855 годзе ён пераязджае ў тэрыторыю Менесота і пасяляецца ў горадзе Уінона.

4 сакавіка 1859 года Уіндам становіцца членам Палаты прадстаўнікоў ад Рэспубліканскай партыі. У 1870 годзе, у сувязі са смерцю сенатара Дэніэла Нортана, Уіндам становіцца сенатарам. Ён займаў гэты пост з 15 ліпеня 1870 па 22 студзеня 1871 года, пакуль яго месца не заняў Стэрнс. C 1881 па 1883 зноў быў сенатарам і старшынёй камітэта па міжнародных адносінах.

У сакавіку 1881 года прэзідэнт Джэймс Гарфілд прызначыў Уільяма Уіндама на пасаду міністра фінансаў ЗША. Пасля смерці Гарфілда, Уіндам захаваў свой пост пры новым прэзідэнце, Чэстэры Артуры. Пасля адстаўкі ў 1883 годзе вярнуўся да юрыдычнай практыкі. У 1889 годзе Уільям Уіндам другі раз стаў міністрам фінансаў, пры Бенджаміне Гарысане.

Памёр Уільям Уіндам 29 студзеня 1891 года, быў пахаваны на могілках Рок-Крык у Вашынгтоне.

Спасылкі

• Біяграфія