Бенджамін Гарысан
Бенджамін Гарысан (Ха́рысан; англ.: Benjamin Harrison, 20 жніўня 1833 — 13 сакавіка 1901) — 23-і прэзідэнт ЗША (1889—1893), унук прэзідэнта Уільяма Генры Гарысана. Нарадзіўся ў Норт-Бэндзе, Агая, а ў 21 год пераехаў у Індыянапаліс, штат Індыяна. Падчас грамадзянскай вайны ваяваў на баку ЗША ў чыне брыгаднага генерала ў XX корпусе Камберлендскай арміі. Пасля заканчэння вайны няўдала балатаваўся на пасаду губернатара Індыяны. У 1880 годзе быў абраны ў Сенат ЗША.
Высоўваючы кандыдатуру ў прэзідэнты ў 1888 годзе, Гарысан выказаўся ў сваёй пракламацыі за заступніцкую мытную сістэму і супраць іміграцыі пралетарыяў. Ён набраў менш галасоў выбаршчыкаў, чым яго апанент, прэзідэнт Гровер Кліўленд.
Адметнымі рысамі яго прэзідэнцтва лічацца прыняцце тарыфу Мак-Кінлі і Акта Шэрмана, а таксама федэральныя выдаткі, якія ўпершыню дасягнулі аднаго мільярда долараў. Дэмакраты ў Сенаце рэзка крытыкавалі гэтыя выдаткі. Актыўна абараняў выбарчыя правы афраамерыканцаў. З эканамічнага пункту гледжання праўленне Гарысана аказалася няўдалым; упартая барацьба вакол мытнага тарыфу не прывяла да паспяховага вырашэння.
Пры Гарысане ў Белым доме было праведзена электрычнасць, ён быў першым прэзідэнтам, які запісаў свой голас на фанограф, і апошнім прэзідэнтам, які насіў бараду ў час знаходжання на пасадзе.
У час яго прэзідэнцтва былі ўтвораны наступныя штаты: Паўночная і Паўднёвая Дакота, Мантана, Вашынгтон (1889), Айдаха і Ваёмінг (1890).
Зноскі
- ↑ а б Benjamin Harrison // Encyclopædia Britannica Праверана 9 кастрычніка 2017.
- ↑ а б Lundy D. R. Benjamin Harrison // The Peerage Праверана 9 кастрычніка 2017.
- ↑ а б Гаррисон Бенджамин // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
- ↑ а б Lundy D. R. The Peerage
- ↑ а б (unspecified title) Праверана 7 жніўня 2020.
- Прэзідэнты ЗША
- Сенатары ЗША
- Нарадзіліся 20 жніўня
- Нарадзіліся ў 1833 годзе
- Нарадзіліся ў акрузе Гамільтан (Агая)
- Памерлі 13 сакавіка
- Памерлі ў 1901 годзе
- Памерлі ў Індыянапалісе
- Пахаваныя ў Індыяне
- Члены Рэспубліканскай партыі ЗША
- Выпускнікі Універсітэта Маямі (Агая)
- Выкладчыкі Стэнфарда
- Асобы
- Сенатары ад штата Агая
- Постаці прэсвітарыянства