Перайсці да зместу

Уладзімір Віктаравіч Шкатэлаў

З Вікіпедыі, свабоднай энцыклапедыі
(Пасля перасылкі з У. В. Шкатэлаў)
Уладзімір Віктаравіч Шкатэлаў
Дата нараджэння 7 (19) мая 1861
Месца нараджэння
Дата смерці 7 кастрычніка 1940(1940-10-07) (79 гадоў)
Месца смерці
Месца пахавання
Грамадзянства
Род дзейнасці навуковец
Навуковая сфера хімія
Месца працы
Навуковая ступень доктар хімічных навук (1889)
Навуковае званне
Альма-матар
Навуковы кіраўнік Vladimir Rudnev[d]
Вядомыя вучні A. T. Kirsanov[d]
Узнагароды
заслужаны дзеяч навукі Беларускай ССР

Уладзімір Віктаравіч Шкатэ́лаў[1] (руск.: Владимир Викторович Шкателов; 7 (19) мая 1861 — 7 кастрычніка 1940) — беларускі вучоны ў галіне лесахіміі і хімічнай тэхналогіі, доктар хімічных навук (1889), прафесар (1883), акадэмік Акадэміі навук БССР (1929), Заслужаны дзеяч навукі БССР (1938).

Біяграфія

[правіць | правіць зыходнік]

Нарадзіўся ў Санкт-Пецярбургу. Скончыў першую класічную гімназію і ў 1878 годзе паступіў на хімічнае аддзяленне Імператарскага Маскоўскага тэхнічнага вучылішча, якое скончыў у 1884 годзе.

З 9 лістапада 1886 года — асістэнт Пятроўска-Разумоўскай сельскагаспадарчай акадэміі (Маскоўская сельскагаспадарчая акадэмія імя К. А. Ціміразева)[2]. Абараніў дысертацыю на тэму «О химическом составе смол». У 1893—1914 гадах ардынарны прафесар Новаалександрыйскага інстытута сельскай гаспадаркі і лесаводства[2]. З пачаткам Першай сусветнай вайны эвакуіраваўся разам з інстытутам у Харкаў і ў 1919 годзе па прапанове Савета Харкаўскага сельскагаспадарчага інстытута атрымаў званне заслужанага прафесара[2].

У ліпені 1923 года У. В. Шкатэлаў пераязджае ў Мінск і пачынае працу на кафедры сельскагаспадарчай і лясной тэхналогіі Беларускага дзяржаўнага інстытута сельскай і лясной гаспадаркі[2]. З 1925 года, пасля стварэння ў Горках Беларускай сельскагаспадарчай акадэміі сельскай і лясной гаспадаркі, працуе ў ёй. У 1930 годзе прызначаны дырэктарам Навукова-даследчага інстытута хіміі Акадэміі навук БССР у Мінску. Потым пераязджае ў Гомель і ў 1934 годзе стварае і становіцца кіраўніком лесахімічнай групы Інстытута хіміі Акадэміі навук БССР[2]. У 1938 годзе вяртаецца ў Мінск і кіруе лесахімічнай лабараторыяй Інстытута хіміі[2].

Памёр 7 кастрычніка 1940 года. Пахаваны ў Мінску на Вайсковых могілках[3].

Навуковая дзейнасць

[правіць | правіць зыходнік]

Аўтар навуковых прац па даследаванні хімічнага складу і будовы натуральных смаляных кіслот і шкіпінараў. Праводзіў першыя даследаванні па падсочцы хвоі ў розных рэгіёнах Расіі[2]. Распрацаваў тэхналагічныя працэсы на першых у Беларусі каніфольна-шкіпінарных заводах (у Бабруйску і Барысаве[2]).

Сярод апублікаваных прац:

  • О химическом составе смол. — М., 1889.
  • О составе русской смолы из pinus silvestris. // Журнал Русского физико-химического общества, 1888.
  • О живице различных хвойных, ее составе и свойствах. // Записки Новоалександрийского института, 1897.
  • О составе белорусской живицы и канифоли из Pinus silvestris и сравнение их со смоляными продуктами других хвойных и с иностранными, с которыми они идентичны / Бел. гос. акад. сел. хоз-ва. — Горки, БССР: Тип. Акад., 1927.
  • О составе твердой части естественной смолы и канифоли — Мн.: Издательство АН БССР, 1939.

Зноскі

  1. ↑ Беларусь 1995.
  2. ↑ а б в г д е ё ж Владимир Викторович Шкателов(недаступная спасылка) (руск.) // Цэнтральная навуковая бібліятэка імя Я. Коласа НАН Беларусі
  3. ↑ Сергей Сабадаш Патриарх // Проза.ру (руск.)

Літаратура

[правіць | правіць зыходнік]
  • Шкатэлаў Уладзімір Віктаравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 767. — 800 с. — 5 000 экз. — ISBN 985-11-0026-9.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Уладзімір_Віктаравіч_Шкатэлаў&oldid=4602616"