Фама Сільвестравіч Варанецкі

Фама Сільвестравіч Варанецкі
Партрэт Фамы Варанецкага пэндзля Аляксея Кузьміча. 1976 год, палатно, алей.
Дата нараджэння	23 сакавіка 1938(1938-03-23) (81 год)
Месца нараджэння	вёска Траскоўшчына, Мінскі раён
Грамадзянства	Беларусь
Адукацыя	Беларуская дзяржаўная акадэмія мастацтваў
Прафесія	акцёр педагог
Тэатр	Нацыянальны акадэмічны драматычны тэатр імя Якуба Коласа
Узнагароды	Заслужаны артыст Беларусі

Фама Сільвестравіч Варане́цкі (нар. 23 сакавіка 1938 г., в. Траскоўшчына, Мінскі раён) — беларускі акцёр, педагог.  Заслужаны артыст Беларусі (1990).  

Біяграфія

У 1961 годзе скончыў Беларускі тэатральна-мастацкі інстытут. Працаваў у Беларускім тэатры імя Якуба Коласа.   З 1971 гады — акцёр Тэатра імя Янкі Купалы. З 1990 выкладае ў Беларускай акадэміі мастацтваў, прафесар БДАМ.

Творчасць

Напачатку выконваў ролі герояў, потым пераважна характарныя. Сярод лепшых роляў у тэатры імя Я.Коласа: Раскольнікаў («Злачынства і кара» паводле Ф. Дастаеўскага), Леанідзік («Мой бедны Марат» А. Арбузава), Віктар («Варшаўская мелодыя» Л. Зорына); у тэатры імя Я. Купалы: Салянік («Радавыя» А. Дударава), Паніч («Раскіданае гняздо» Я. Купалы), Жабрак («Страсці па Аўдзею» У. Бутрамеева), Настаўнік («Безыменная зорка» М. Себасцьяна), Клеон («…Забыць Герастрата!» Р. Горына).

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — 480 с.: іл. ISBN 985-11-0090-0 (т. 4), ISBN 985-11-0035-8