Фернан Кнопф

Фернан Кнопф
фр.: Fernand Khnopff
Дата нараджэння	12 верасня 1858(1858-09-12)[…]
Месца нараджэння	Дэндэрмондэ, Дэндэрмондэ, Усходняя Фландрыя, Бельгія
Дата смерці	12 лістапада 1921(1921-11-12)[…] (63 гады)
Месца смерці	Брусель, Бельгія
Месца пахавання	Лакенскія могілкі[d]
Грамадзянства	Бельгія
Род дзейнасці	мастак, скульптар, фатограф, мастацкі крытык, экслібрысіст, літограф, ілюстратар, рысавальшчык, акварэліст, майстар афорту, пастэліст
Жанр	партрэт
Вучоба	Брусельскі свабодны ўніверсітэт Акадэмія Жуліяна Генцкі ўніверсітэт Каралеўская Акадэмія прыгожых мастацтваў у Бруселі[d]
Мастацкі кірунак	сімвалізм
Член у	Les XX[d] (1893)
Медыяфайлы на Вікісховішчы

Ферна́н Кнопф (фр. Fernand Khnopff, поўнае імя Фернан-Эдман-Жан-Мары Кнопф, 12 верасня 1858, Дэндэрмондэ, Усходняя Фландрыя — 12 лістапада 1921, Брусель) — бельгійскі мастак, графік, скульптар і мастацтвазнаўца, галоўны прадстаўнік бельгійскага сімвалізму.

Біяграфія

Бацька Кнопфа быў суддзёй у Бругэ, належаў да арыстакратычнай аўстрыйскай сям’і, якая перасялілася ў Бельгію ў XVI стагоддзі. Кнопф вырас у Бругэ, пазней пераехаў з бацькамі ў Брусель і па патрабаванні свайго бацькі спачатку вывучаў юрыспрудэнцыю ў Брусельскім вольным універсітэце, але неўзабаве перавёўся ў брусельскую Акадэмію мастацтваў, дзе і пачалася яго кар’ера як пейзажыста і партрэтыста. Яго настаўнікам быў Ксаўе Мелеры.

У 1877 годзе ён пабываў у Парыжы, дзе на яго вялікае ўражанне зрабіў Эжэн Дэлакруа. У Англіі ён пазнаёміўся з прерафаэлітамі, якія аказалі вялікі ўплыў на яго стыль — Бёрн-Джонс, Расеці, Уотс.

У 1878 годзе на Сусветнай выставе ў Парыжы ён пазнаёміўся з мастаком Гюставам Маро і ў далейшым звярнуўся да сімвалізму. Ён лічыцца адным з заснавальнікаў Таварыства XX.