Цвінтарэй прыгожы

Цвінтарэй прыгожы
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарычкакветныя Сямейства:  Гарычкавыя Род:  Цвінтарэй Від:  Цвінтарэй прыгожы
Міжнародная навуковая назва
Centaurium pulchellum (Sw.) Druce, 1898
Сістэматыка на Віківідах Выявы на Вікісховішчы ITIS   30036 NCBI   172069 EOL   582592 GRIN   t:467744 IPNI   366703-1 TPL   kew-2708736

Цвінтарэ́й прыгожы (Centaurium pulchellum) — від кветкавых раслін роду Цвінтарэй (Centaurium) сямейства Гарычкавыя (Gentianaceae).

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Аднагадовая травяністая расліна вышынёй 2—25 см. Сцябло прамастойнае, звычайна разгалінаванае ад асновы. Лісце простае, сядзячае, супраціўнае, з гладкім краем і завостранай верхавінкай і клінападобнай асновай. Кветкі цёмна-ружовыя або белыя, на канцах галінак. Пялёскаў — 5. Плод — каробачка.

Распаўсюджанне і экалогія

Еўраазіяцкі від раслін. Святлолюбівая расліна, мезафіт, гіграфіт і галатроф. Расце ў стэпах, на лугах, берагах вадаёмаў, пустках, каля дарог. Цвіце ў чэрвені—верасні.

Ахоўваецца ў шэрагу рэгіёнаў Расіі і Украіны, у Фінляндыі.

Літаратура

• Кім Г. А. Цвінтарэй // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз. — С. 267.
• Губанов И. А., Киселёва К. В., Новиков В. С., Тихомиров В. Н. 1030. Centaurium pulchellum (Sw.) Druce — Золототысячник красивый // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2004. — Т. 3. Покрытосеменные (двудольные: раздельнолепестные). — С. 44. — ISBN 5-87317-163-7.

Спасылкі

• Золототысячник красивый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)