Чысцец (балота)

Чысце́ц — нізіннае балота ў Вілейскім і Мядзельскім раёнах Мінскай вобласці Беларусі, у вадазборы ракі Нарач. Плошча 5800 га, у межах прамысловага пакладу 4900 га. Выкарыстоўвалася для нарыхтоўкі торфу. Адкрытай сеткай асушана 1,5 тыс. га ў Мядзельскім і 1 тыс. га ў Вілейскім раёнах. На неасушаных землях пераважаюць хмызнякі з вольхі і вярбы, у травяным покрыве пераважае асака. Часткова выкарыстоўваецца пад сенажаць.

Літаратура

• Чысцец // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 356. — 583 с., іл. — 10 000 экз.