Эвалдас Ігнатавічус

Эвалдас Ігнатавічус
Эвалдас Ігнатавічус
	Evaldas Ignatavičius
Нараджэнне	8 лютага 1967 (56 гадоў); Укмярге, Укмяргскі раён[d], Літоўская ССР, СССР;
Адукацыя	Віленскі ўніверсітэт;
Дзейнасць	дыпламат, выкладчык універсітэта
Месца працы	Віленскі ўніверсітэт;
	Медыяфайлы на Вікісховішчы

Э́валдас Ігната́вічус (літ.: Evaldas Ignatavičius; 8 лютага 1967, Укмярге) — літоўскі дыпламат, пасол Літвы ў Рэспубліцы Беларусь з 2013 па 2016.

Біяграфія[правіць | правіць зыходнік]

Нарадзіўся ў Укмярге. Скончыў філалагічны факультэт Віленскага ўніверсітэта (1992). У 1994 годзе скончыў курсы дыпламатыі ў Інстытуце міжнародных адносін Лідса (Вялікабрытанія). Працаваў у Аддзеле Усходняй і Цэнтральнай Еўропы Міністэрства замежных спраў Літвы (1991—1995). У 1995—1998 гадах займаў пасаду саветніка пасольства Літоўскай Рэспублікі ў Рэспубліцы Польшча. У 1998—2000 гадах быў кіраўніком аддзела Усходняй Еўропы і Сярэдняй Азіі Міністэрства замежных спраў Літвы, затым працаваў генеральным консулам Літвы ў Калінінградзе.

У 2001—2002 гадах віцэ-міністр замежных спраў, у 2002—2003 гадах — дзяржаўны сакратар Міністэрства замежных спраў Літвы.

У 2002—2004 гадах працаваў выкладчыкам Інстытута міжнародных адносін і палітычных навук Віленскага ўніверсітэта. У 2004 годзе сакратар Міністэрствы замежных спраў і затым з 1 верасня 2004 года да 14 студзеня 2009 года Надзвычайны і паўнамоцны пасол Літоўскай Рэспублікі ў Федэратыўнай Рэспубліцы Германія. З 19 студзеня 2009 года сакратар Міністэрствы замежных спраў Літвы. З 2009 па 2012 — віцэ-міністр замежных спраў. 20 сакавіка 2013 года прызначаны паслом Літоўскай Рэспублікі ў Рэспубліцы Беларусь^[1].

Валодае англійскай, нямецкай, польскай, беларускай, рускай^[2] мовамі. Узнагароджаны крыжом камандора ордэна «За заслугі перад Літвой». Жанаты, двое дзяцей — сын і дачка.

Зноскі

↑ Эвалдас Ігнатавічус прызначаны паслом Літвы ў Беларусі Архівавана 8 кастрычніка 2016.
↑ «Падзеі ва Ўкраіне сталі шокам для Літвы», — амбасадар Літвы ў Беларусі Эвалдас Ігнатавічус(нявызн.). Радыё «Свабода» (9 красавіка 2015). Праверана 3 снежня 2015.

Спасылкі[правіць | правіць зыходнік]

Віцэ-міністр Эвалдас Ігнатавічус(недаступная спасылка)

[1] Эвалдас Ігнатавічус прызначаны паслом Літвы ў Беларусі Архівавана 8 кастрычніка 2016.

[2] «Падзеі ва Ўкраіне сталі шокам для Літвы», — амбасадар Літвы ў Беларусі Эвалдас Ігнатавічус(нявызн.). Радыё «Свабода» (9 красавіка 2015). Праверана 3 снежня 2015.

[1]

[2]

Надзвычайныя і Паўнамоцныя Паслы Літоўскай Рэспублікі ў Беларусі
Пачатак дыпадносін Адкрыццё пасольства	30 снежня 1992 1993
Паслы	Віктарас Баўбліс (1994—1998) · Ёнас Паслаўскас (1999—2005) · Пятрас Вайцекунас (2005—2006) · Эдмінас Багдонас (2007—2012) · Лінас Антанас Лінкявічус (2012) · Эвалдас Ігнатавічус (2013—2016) · Андрус Пулокас (з 2016)