Эльжбета Таварніцка

Эльжбета Таварніцка
Асноўная інфармацыя
Дата нараджэння	29 ліпеня 1950(1950-07-29) (75 гадоў)
Месца нараджэння	Уроцлаў, Уроцлаўскае ваяводства, Польская Народная Рэспубліка
Краіна	Польшча
Альма-матар	Кракаўская музычная акадэмія
Музычная дзейнасць
Прафесіі	актрыса, оперная спявачка
Гады актыўнасці	з 1977
Пеўчы голас	сапрана
Інструменты	вакал
Жанры	опера
Выхаванцы	Maria Peszek[d]
Медыяфайлы на Вікісховішчы
towarnicka.com

Эльжбе́та Таварні́цка (польск.: Elżbieta Towarnicka, нар. 29 ліпеня 1950, Уроцлаў) — польская оперная спявачка, сапрана.

Біяграфія

Эльжбета Таварніцка нарадзілася 29 ліпеня 1950 года ва Уроцлаве. Першыя крокі ў вакале здзейсніла пад кіраўніцтвам Леакадыі Кукаўскай (польск.: Leokadia Kukawska). У 1978 годзе скончыла Кракаўскую музычную акадэмію, клас вакалу Барбары Валчынскай (польск.: Barbara Walczyńska).

У 1979—1981 гадах была салісткай Кракаўскай Оперы, дзе выконвала галоўныя партыі сапрана ў такіх операх, як «Багема» і «Тоска» Джакама Пучыні, «Шукальнікі жэмчугу» Жоржа Бізэ, «Травіята» і «Рыгалета» Джузэпэ Вердзі, «Вольны стралок» Карла Марыі фон Вебера, «Кароль Рогер» Караля Шыманоўскі, «Дыдона і Эней» Генры Пёрсэла, «Арфей і Эўрыдыка» Крыстафа Вілібальда Глюка.

Шырокую вядомасць Эльжбеце Таварніцкай прынесла музыка Збігнева Прайснера да фільмаў Кшыштафа Кеслёўскага «Дэкалог» (1989—1990), «Падвойнае жыццё Веранікі» (1991) і «Тры колеры» (1993—1994).

Літаратура

• Tess James. Review of Zbigniew Preisner, Requiem for my Friend(англ.) // Society for Music Theory. Music Theory Online. — September 1999. — Vol. 5. — № 4.