Элеанора Антонаўна Бацян

Элеанора Антонаўна Бацян
Дата нараджэння	15 чэрвеня 1933(1933-06-15) (90 гадоў)
Месца нараджэння	Менск, БССР, СССР
Альма-матар	Мінскі будаўнічы тэхнікум (1952) БПІ (1959)
Месца працы	Белдзяржпраект Белпрампраект
Член у	Саюз архітэктараў СССР Беларускі саюз архітэктараў
Прэміі
Узнагароды	Ганаровая грамата Дзяржбуда БССР[d]

Элеанора Антонаўна Бацян (нар. 15 чэрвеня 1933, г. Мінск) — беларускі архітэктар.

Біяграфія

Скончыла ў 1952 годзе Мінскі архітэктурна-будаўнічы тэхнікум, у 1959 годзе — Беларускі політэхнічны інстытут. У 1952—1969 гадах у інстытуце «Белдзяржпраект», у 1959—1992 гадах архітэктар, старшы архітэктар, кіраўнік групы, галоўны архітэктар праектаў генпланаў і прамвузлоў у інстытуце «Белпрампраект».

Член Саюза архітэктараў Беларусі з 1963 года. Пражывае ў Мінску.

Творчасць

Асноўныя работы: прамысловыя вузлы — Усходні ў Брэсце (1964, у сааўтарстве; прэмія СМ СССР 1977), «Шабаны» (1966) у Мінску, у г. Асіповічы (1978), Магілёве, Рэчыцы, Смаргоні, Лідзе, прамысловыя прадпрыемствы ў раёне Слуцкай шашы (1970); заводы: асфальта-бетонны (1978), буйнапанэльнага домабудавання (1976), санзагатовак (1975) і вытворчая база «Мінскметрабуда» ў прамвузле «Шабаны» ў Мінску, заводы «Рамбудгідрамаш» і жалезабетонных вырабаў у г.п. Коханава (1975), па вытворчасці металічнага парашку ў Маладзечне (1979) і Мінску (1985), электралямпавы ў Брэсце (1980); НДІ парашковай металургіі (1979), будынкі Мінскага навукова-вытворчага аб’яднання «Цэнтр» (1980, будаўніцтва 1988), фабрыка каляровага друку (1978, будаўніцтва 1988, абодва ў сааўт.) у Мінску і інш.

Узнагароды

Узнагароджана граматамі Дзяржбуда БССР, дыпломам Саюза архітэктараў БССР за навукова-вытворчае аб’яднанне «Цэнтр», медалём «Ветэран працы», бронзавым медалём ВДНГ СССР. За праектаванне і будаўніцтва Усходняга прамысловага вузла ў г. Брэсце ў складзе творчага калектыва ўзнагароджана прэміяй Савета Міністраў СССР.

Літаратура

• Бацян Элеанора Антонаўна // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Ботян Элеонора Антоновна // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
• Ботян Элеонора Антоновна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)