Юрый Сямёнавіч Алелькавіч
| Юрый Сямёнавіч Слуцкі укр.: Юрій Семенович Олелькович | ||
 | ||
 Герб «Пагоня» | ||
| ||
|---|---|---|
| 1503 — 1542 | ||
| Папярэднік: | Сямён Міхайлавіч Слуцкі | |
| Пераемнік: | Сямён Юр'евіч Слуцкі | |
| Веравызнанне: | праваслаўе | |
| Нараджэнне: | 1492 | |
| Смерць: | 17 красавіка 1542 | |
| Дынастыя: | Род Алелькавічаў | |
| Бацька: | Сямён Міхайлавіч Слуцкі[d] | |
| Маці: | Анастасія Іванаўна Слуцкая[d] | |
| Жонка: | Алена Мікалаеўна Радзівіл | |
| Дзеці: | Сямён Юр'евіч Слуцкі[d], Юрый Юр’евіч Слуцкі[d] і Сафія Юр'еўна Слуцкая[d] | |
Юрый (I) Сямёнавіч Слуцкі (1492— 17 красавіка 1542) — удзельны князь слуцкі і капыльскі (1503—1542), член Рады Вялікага Княства Літоўскага, адзіны сын і пераемнік князя Сямёна Міхайлавіча Слуцкага (каля 1460—1503) ад шлюбу з Анастасіяй Іванаўнай Мсціслаўскай. Нашчадак вялікага князя літоўскага Гедзіміна ў VII калене і сваяк дынастыі Ягелонаў.
Змест
Біяграфія[правіць | правіць зыходнік]
У 1503 годзе пасля смерці бацькі Сямёна Міхайлавіча 10-гадовы Юрый быў абвешчаны новым князем Слуцкага княства. Фактычнай кіраўніцай княства стала яго маці і княгіня-ўдава Анастасія Іванаўна Слуцкая. Яна паспяхова абараніла Слуцкае княства ад шматлікіх набегаў крымскіх татараў і замахаў з боку мяцежнага літоўскага магната, князя Міхаіла Львовіча Глінскага.
Пасталеўшы, князь Юрый Сямёнавіч прыняў на сябе кіраваннем бацькаўскім княствам, а яго маці Анастасія адышла ад кіравання.
У 1514 годзе князь Юрый Слуцкі са сваёй дружынай удзельнічаў у разгроме ў бітве пад Оршай літоўска-польскай арміяй пад камандаваннем гетмана вялікага літоўскага, князя Канстанціна Іванавіча Астрожскага, маскоўскага войска пад камандваннем князя Міхаіла Іванавіча Булгакава-Галіцы і канюшага Івана Андрэевіча Чалядніна.
У 1527 годзе князь Юрый Слуцкі прыняў удзел у разгроме крымска-татарскай арды ў бітве на р. Альшаніцы пад Кіевам.
Юрый Сямёнавіч Слуцкі быў верным паплечнікам гетмана вялікага літоўскага князя Канстанціна Іванавіча Астрожскага, які ў 1523 годзе ажаніўся з яго малодшай сястрой Аляксандрай Сямёнаўнай (пам. пасля 1556).
У красавіку 1542 года князь Юрый Сямёнавіч Слуцкі сканаў, яго спадчыннікам стаў старэйшы сын Сямён.
Сям'я[правіць | правіць зыходнік]
У 1531 годзе ажаніўся з Аленай Мікалаеўнай Радзівіл (пам. 1546), дачкой ваяводы віленскага і канцлера вялікага літоўскага, князя Мікалая Мікалаевіча Радзівіла (каля 1470—1521), і Эльжбеты Саковіч (пам. пасля 1542). Дзеці:
- Сямён Юр'евіч (пам. 1560), князь слуцкі (1542—1560)
- Юрый Юр'евіч (пам. 1578), князь слуцкі (1560—1578).
- Сафія — жонка Юрыя Хадкевіча з 1558 года
