Янка Шарахоўскі

Янка Шарахоўскі
Янка Шарахоўскі
Асабістыя звесткі
Дата нараджэння	4 сакавіка 1908
Месца нараджэння	Бялынічы, Магілёўскі павет, Магілёўская губерня, Расійская імперыя;
Дата смерці	6 красавіка 1973 (65 гадоў)
Месца смерці	Мінск, БССР, СССР;
Пахаванне	Чыжоўскія могілкі;
Грамадзянства	СССР;
Альма-матар	Магілёўскі Беларускі педагагічны тэхнікум (1927); Ленінградскі інстытут гісторыі, філасофіі і лінгвістыкі[d] (1931);
Прафесійная дзейнасць
Род дзейнасці	літаратуразнавец, пісьменнік, паэт
Мова твораў	беларуская
Грамадская дзейнасць
Партыя	КПСС;
Член у	Саюз пісьменнікаў СССР;
Узнагароды
	Творы ў Вікікрыніцах
	Медыяфайлы на Вікісховішчы

Янка Шарахоўскі (Іван Захаравіч Шарахоўскі; 4 сакавіка 1908, Бялынічы, Магілёўская вобласць — 6 красавіка 1973, Мінск) — беларускі празаік, крытык, літаратуразнавец.

Біяграфія[правіць | правіць зыходнік]

Нарадзіўся ў сялянскай сям'і. У 1925-1927 гг. вучыўся ў Магілёўскім педагагічным тэхнікуме, у 1931 г. скончыў Ленінградскі гісторыка-лінгвістычны інстытут. Працаваў у рэдакцыях часопіса «Чырвоная Беларусь», газеты «Літаратура і мастацтва», часопіса «Полымя рэвалюцыі». У 1938-1941 гг. вучыўся ў аспірантуры пры Мінскім педагагічным інстытуце. Падчас Вялікай Айчыннай вайны ваяваў пад Масквой, на Бранскім, 2-м Прыбалтыйскім, Ленінградскім франтах як камандзір узвода, з 1943 г. - інструктар франтавой газеты. Пасля вайны - адказны сакратар часопіса «Полымя» (1946-1948), галоўны рэдактар Дзяржаўнага выдавецтва БССР (1948-1957), намеснік міністра культуры БССР (1957-1959), галоўны рэдактар газеты «Літаратура і мастацтва» (1959-1961), дырэктар Літаратурнага музея Янкі Купалы (1961-1968).

Творчасць[правіць | правіць зыходнік]

У друку пачаў выступаць як паэт, а з 1931 г. — як крытык і літаратуразнавец. Выдаў кнігі пра жыццё і творчасць Янкі Купалы «Янка Купала» (1962), «Пясняр народных дум» (1970 — дарэвалюцыйны перыяд, 1976 — савецкі перыяд).

Аўтар зборнікаў апавяданняў «Срэбраная раніца» (1951), «Сплочаны доўг» (1978), кніжкі апавяданняў для дзяцей «Сердалікавая бухта» (1955).

Пераклаў на беларускую мову раман «Белая бяроза» М. Бубеннава (1949), аповесць «Сляпы музыка» У. Караленкі (1950), раманы «Чэсць змоладу» А. Первенцава (1951), «Рудзін», «Напярэдадні» І. Тургенева (1952), «Аповесць пра дзяцінства» Ф. Гладкова (1952), «Казкі» М. Салтыкова-Шчадрына (1953), «Апавяданні» І. Франка (1956), апавяданне «Лёс чалавека» М. Шолахава (1959) ды інш.

Зноскі

Літаратура[правіць | правіць зыходнік]

Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1995. — Т. 6. Таталаў — Яфімаў. Дадатак. — С. 339. — 684 с.; іл.. — ISBN 985-11-0022-6.