Ян Казімір Хадкевіч

Ян Казімір Хадкевіч
Ян Казімір Хадкевіч. Невядомы мастак, XVIII ст.
Герб «Касцеша»
Кашталян віленскі 1646 — 1660
Папярэднік	Андрэй Станіслаў Сапега
Пераемнік	Міхал Казімір Радзівіл
Нараджэнне	1616
Смерць	13 сакавіка 1660(1660-03-13) Кёнігсберг, Брандэнбург-Прусія
Месца пахавання	Вялікая Бераставіца
Род	Хадкевічы
Бацька	Крыштаф Хадкевіч
Маці	Альжбета з Кішкаў[d]
Жонка	Соф’я з Пацаў[d]
Дзеці	Ежы Караль, Міхал Канстанцін, Тэрэза, Ганна
Адукацыя	Балонскі ўніверсітэт
Медыяфайлы на Вікісховішчы

Ян Казімір Хадкевіч (1616 — 13 сакавіка 1660) — дзяржаўны дзеяч Вялікага Княства Літоўскага. Канюшы вялікі літоўскі (1623—1633), кашталян віленскі (з 1646).

Біяграфія

З магнацкага роду Хадкевічаў герба ўласнага («Касцеша» змененая), сын Крыштафа, ваяводы віленскага, і Альжбеты з Кішкаў.

20 ліпеня 1623 атрымаў пасаду канюшага вялікага літоўскага, а 13 красавіка 1646 — кашталяна віленскага.

31 жніўня 1636 года ў Вільні пабраўся шлюбам з Соф’яй Пац, дачкой літоўскага падканцлера Стэфана Паца. Меў сыноў Ежы Караля, Міхала Канстанціна і дачок Тэрэзу і Ганну.

Памёр 13 сакавіка 1660 года, быў пахаваны ў Бераставіцы Вялікай.

Літаратура

• Грыцкевіч А. Хадкевічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 710. — 792 с. — ISBN 985-11-0378-0 (т. 2), ISBN 985-11-0315-2.