Яўген Іванавіч Хвалей

Яўген Іванавіч Хвалей
Асабістыя звесткі
Дата нараджэння	1 студзеня 1947(1947-01-01) (77 гадоў) ці 1947
Месца нараджэння	Белькаўшчына, Мікалаеўшчынскі сельсавет, Стаўбцоўскі раён, Баранавіцкая вобласць, БССР, СССР
Грамадзянства	Беларусь
Альма-матар	філалагічны факультэт БДУ
Прафесійная дзейнасць
Род дзейнасці	публіцыст, паэт
Мова твораў	беларуская
Грамадская дзейнасць
Член у	Саюз пісьменнікаў Беларусі
Прэміі	Залаты купідон

Яўген Іванавіч Хвалей (1 студзеня 1947, в. Белькаўшчына, Стаўбцоўскі раён, Мінская вобласць) — беларускі паэт, крытык, публіцыст.

Біяграфія

Яўген Хвалей (злева) і Мікола Шабовіч (справа) на Міжнароднай кніжнай выстаўцы ў Мінску (Беларусь), 12 лютага 2015 г.

Нарадзіўся ў сялянскай сям'і.

Пасля заканчэння Мікалаеўшчынскай сярэдняй школы (1965) працаваў будаўніком, у рэдакцыі стаўбцоўскай раённай газеты «Прамень». Скончыў філалагічны факультэт Беларускага дзяржаўнага ўніверсітэта (1971). Настаўнічаў, працаваў у выдавецтве «Народная асвета», Мінскім абласным Доме народнай творчасці, на Беларускім радыё і тэлебачанні.

У 1985-? гг. — старшы рэдактар выдавецтва «Юнацтва».

Паэтычная творчасць

Першыя вершы надрукаваў у 1963 г. (раённая газета «Прамень»).

У перыядычным друку выступае і як крытык. Укладальнік зборнікаў «Вершы» Якуба Коласа (1987), «Гары, агонь Кастрычніка» (1987), «Бацька наш Нёман» (2001) і інш.

Бібліяграфія

• «Ярына» (1979) — калектыўны паэтычны зборнік «Нашчадкі»
• «Прычасце» (1983)
• «Зялёны прамень аеру» (1987)
• «Насціны гасціны» (1989) — вершаванай казкі для дзяцей
• «Даруй, каханая…» (выд. «Чатыры чвэрці», 2023) — раман, апавяданні і эсэ

Прызнанне

• Член Саюза пісьменнікаў Беларусі
• Лаўрэат літаратурнай прэміі «Залаты Купідон» (2012)

Літаратура

• Яўген Іванавіч Хвалей // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

Спасылкі

• Біяграфія Яўгена Хвалея Архівавана 1 кастрычніка 2020. // vershy.ru