Etlingera

Etlingera
Кветка Etlingera elatior
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Імбіракветныя Сямейства:  Імбірныя Падсямейства:  Alpinioideae Трыба:  Alpinieae Род:  Etlingera
Міжнародная навуковая назва
Etlingera Giseke
Сінонімы
Achasma Griff. Geanthus Reinw. Nicolaia Horan. Phaeomeria Lindl. ex K.Schum.
Віды
Гл. тэкст
Сістэматыка на Віківідах Выявы на Вікісховішчы ITIS   500272 NCBI   188487 EOL   107375 GRIN   g:4473 IPNI   328393-2

Etlingera — род шматгадовых раслін сямейства імбірныя (Zingiberaceae). Распаўсюджаны ў Інда-Ціхаакіянскім рэгіёне, змяшчае каля ста відаў, якія растуць пераважна ў раёне экватару.

Род названы ў гонар нямецкага батаніка Андрэаса Эрнста Этлінгера (1730—1790).

Некаторыя з буйных прадстаўнікоў відаў роду маюць магутныя аблісцвеныя парасткі вышынёй да 10 метраў і вонкавым абліччам нагадваюць дрэвавыя расліны.

Арэал

Віды роду сустракаюцца ў Індыі, Бангладэш, Бірме, Кітаі, Лаосе, Камбоджы, В’етнаме, Тайландзе, Малайзіі, Сінгапуры, Інданезіі, на Філіпінах, у султанаце Бруней, на Папуа — Новай Гвінеі, ў Аўстраліі і на некаторых астравах Ціхага акіяна, пераважна ў экватарыяльнай вобласці, на вышыні ад узроўню мора да 2 500 метраў.

Віды

Найбольш вядомым відам роду з’яўляцца Etlingera elatior (Jack) R.M.Sm.. Назвы расліны ў еўрапейскіх мовах адлюстроўваюць яе раскошнае цвіценне — «факельны імбір» (англ.: Torch Ginger), «Факельная лілея» (англ.: Torch Lily), «Фарфоравая ружа» (фр.: Rose de porcelaine), або «Філіпінская васковая кветка» (англ.: Philippine Waxflower).

Род уключае каля ста відаў. Некаторыя з іх:

• Etlingera elatior (Jack) R.M.Sm.
• Etlingera grandiflora (Valeton) R.M.Sm.
• Etlingera harmandii (Gagnep.) R.M.Sm.
• Etlingera hemisphaerica (Blume) R.M.Sm.
• Etlingera littoralis (J.Koenig ex Retz.)Giseke
• Etlingera punicea (Roxb.) R.M.Sm.
• Etlingera solaris (Blume) R.M.Sm.
• Etlingera sulfurea (R.Parker) R.M.Sm.