Цукраміцэты

Цукраміцэты
Saccharomyces cerevisiae
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Saccharomycotina O.E. Erikss. & Winka 1997 Клас:  Saccharomycetes G.Winter, 1880 Порядок:  Saccharomycetales Сямейства:  Цукраміцэтавыя Род:  Цукраміцэты
Міжнародная навуковая назва
Saccharomyces G.Winter (1881)
Тыпавы від
Saccharomyces cerevisiae
Выявы на Вікісховішчы ITIS   194154 NCBI   4930 EOL   18923 MB   4813

Цукраміцэты, цукровыя грыбы (Saccharomyces) — род сумчатых грыбоў сямейства цукраміцэтавых.

Апісанне

Апісана больш за 50 відаў і некалькі дзясяткаў разнавіднасцей. Найбольш вядомыя Saccharomyces cerevisiae, Saccharomyces vini, Saccharomyces lactis. Трапляюцца на кветках, пладах, у глебе, на разнастайных харчовых прадуктах.

Клеткі авальныя або прадаўгаватыя, памерам да 12 мкм, часам утвараюць псеўдаміцэлій. Размнажаюцца спорамі і пачкаваннем. Пры пачкаванні могуць фарміравацца разгалінаваныя, кароткія ланцужкі. У неспрыяльных умовах узнікаюць эліпсоідныя, шара-. булавападобныя артраспоры або 1—4-споравыя сумкі з шара- ці эліпсападобнымі, гладкімі, бясколернымі сумкаспорамі.

Выкарыстанне

Дзякуючы ўласцівасці збраджаваць цукры яны маюць вялікае практычнае значэнне пры вытворчасці спірту, віна, піва; выкарыстоўваюцца ў хлебапячэнні, пры атрыманні кефіру, кумысу, квасу і іншых напіткаў.

Гл.таксама

• Чайны грыб

Літаратура

• Цукраміцэ́ты // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 279. — 583 с., іл. — 10 000 экз.
• Залашка М. В. Піўны́я дро́жджы // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 202. — 599 с., іл. — 10 000 экз.