Іосіф Іосіфавіч Лянькоў

Іосіф Іосіфавіч Лянькоў
Дата нараджэння	14 лютага 1941(1941-02-14)
Месца нараджэння	Куты, Магілёўскі раён, Магілёўская вобласць, БССР, СССР
Дата смерці	2020
Месца смерці	Мінск, Беларусь
Род дзейнасці	эканаміст
Месца працы	Беларуская дзяржаўная сельскагаспадарчая акадэмія БДАТУ
Навуковая ступень	доктар эканамічных навук (1989)
Навуковае званне	прафесар (1991) член-карэспандэнт Акадэміі аграрных навук Беларусі[d] (1993)
Альма-матар	Беларуская дзяржаўная сельскагаспадарчая акадэмія (1964)

Іосіф Іосіфавіч Лянько́ў (нар. 14 лютага 1941, вёска Куты, Магілёўскі раён — 2020, Мінск) — беларускі вучоны эканаміст-аграрнік. Член-карэспандэнт Акадэміі аграрных навук Беларусі (1993—2003), доктар эканамічных навук (1989), прафесар (1991).

Біяграфія

Скончыў Беларускую сельскагаспадарчую акадэмію (1964). У 1964—1966 гг. працаваў галоўным эканамістам саўгаса ў Карагандзінскай вобласці. З 1970 г. у БСГА. Працаваў дацэнтам (1970—1987), загадчыкам кафедры матэматычнага мадэліравання эканамічных сістэм АПК (1987—2001). З 2001 г. загадчык кафедры мадэліравання і прагназавання эканомікі АПК Беларускага дзяржаўнага аграрнага тэхнічнага ўніверсітэта.

Навуковая дзейнасць

Навуковыя працы па праблемах планавання і матэматычнага мадэліравання эканамічных сістэм аграрна-прамысловага комплексу. Распрацаваў сістэму эканоміка-матэматычных мадэлей для аптымізацыі развіцця АПК рэгіёна, ажыццяўлення спецыялізацыі сельскагаспадарчых прадпрыемстваў ва ўмовах кааперавання.

Аўтар звыш за 160 навуковых прац.

Літаратура

• Лянькоў Іосіф Іосіфавіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 426. — 10 000 экз. — ISBN 985-11-0035-8. — ISBN 985-11-0155-9 (т. 9).