Станіслаў Паўлавіч Нарушэвіч

Станіслаў Нарушэвіч
Герб «Вадвіч»
6-ы Кашталян смаленскі 1588 — 1589
Папярэднік	Багдан Сапега
Пераемнік	Астафій Тышкевіч
2-і Кашталян мсціслаўскі 1580? — 1588
Папярэднік	Іван Саламярэцкі
Пераемнік	Сямён Война
Нараджэнне	невядома
Смерць	1589
Род	Нарушэвічы
Бацька	Павел Нарушэвіч
Жонка	Марына Палубінская, НН Камаеўская
Дзеці	ад другога шлюбу: Барбара, Крысціна
Веравызнанне	кальвінізм

Станіслаў НАРУШЭВІЧ (? — 1589) — дзяржаўны дзеяч Вялікага Княства Літоўскага.

Біяграфія

Спраўца Гарадзенскага стараства ў 1563, цівун віленскі з 1564, кашталян мсціслаўскі з 1580 (?), смаленскі з 1588, дзяржаўца рэжыцкі і люцынскі. Кальвініст, падтрымліваў групоўку Радзівілаў. Падпісаў акт Люблінскай уніі 1569. Валодаў мястэчкамі Круглае ў Аршанскім, Відзы ў Браслаўскім паветах, маёнткамі ў Берасцейскім і Падляшскім ваяводствах.

Сын Паўла, брат Мікалая Яна. Двойчы жанаты: першы раз з князёўнай Марынай Палубінскай, а другі раз з Камаеўскай. Ад другога шлюбу пакінуў дачок Барбару(каля 1580-1627), якая выйшла за віленскага ваяводу Януша Тышкевіча, і Крысціну, якая была замужам за ваяводам менскім Янам Пацам.

Крыніцы

• Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.