Алесь Астапенка

Алесь Астапенка
Алесь Астапенка
Асабістыя звесткі
Імя пры нараджэнні	Аляксандр Кірылавіч Астапенка
Дата нараджэння	14 ліпеня 1920
Месца нараджэння	Сырская Буда, Рагачоўскі павет, Гомельская губерня, РСФСР;
Дата смерці	20 ліпеня 1970 (50 гадоў)
Пахаванне	Усходнія могілкі;
Грамадзянства	СССР;
Альма-матар	Мінскі дзяржаўны педагагічны інстытут імя Максіма Горкага (1941);
Месца працы	Звязда; Чырвоная змена; Бярозка;
Прафесійная дзейнасць
Род дзейнасці	перакладчык, літаратуразнавец, паэт, пісьменнік
Гады творчасці	з 1942
Мова твораў	беларуская
Дэбют	1942
Грамадская дзейнасць
Член у	Саюз пісьменнікаў СССР;
Узнагароды
	Творы ў Вікікрыніцах

Алесь (Аляксандр Кірылавіч) Астапенка (14 ліпеня 1920, в. Сырская Буда, Рагачоўскі павет, Гомельская губерня — 20 ліпеня 1970) — беларускі паэт, літаратуразнавец.

Біяграфія

Нарадзіўся 14 ліпеня 1920 года ў в. Сырская Буда ў сялянскай сям’і. Да Вялікай Айчыннай вайны скончыў 3 курсы літаратурнага факультэта Мінскага педагагічнага інстытута (1938—1941)^[1]. Адначасова працаваў у рэдакцыі газеты «Звязда». Падчас Вялікай Айчыннай вайны — рэдактар і дыктар беларускай рэдакцыі Усесаюзнага радыёкамітэта (Масква)^[1], удзельнічаў у баях на Заходнім і Бранскім франтах. Улетку 1943 г. пад Арлом быў цяжка паранены. З восені 1943 г. зноў працаваў на радыё ў Маскве. Вярнуўшыся ў Мінск, загадваў аддзелам літаратуры і мастацтва газеты «Чырвоная змена» (1946—1947), аддзелам піянерскага жыцця часопіса «Бярозка» (1947—1953). Член Саюза пісьменнікаў СССР (з 1947).

Творчасць

Выступаў з рэцэнзіямі і артыкуламі з 1940 г. Дэбютаваў вершам у 1942 г^[1]. Аўтар зборнікаў паэзіі «Выпрабаванне» (1947, дапоўненае выданне ў 1980), «Дзень маёй Радзімы» (1952), «Выбранае» (1957), «Сэрца спявае» (1960). Паасобныя вершы пакладзены на музыку.

У вершах услаўляў ваенны подзвіг савецкага чалавека, яго стваральную працу.

Перакладаў на беларускую мову творы рускіх, украінскіх, літоўскіх, латышскіх, нямецкіх паэтаў, у тым ліку М. Ісакоўскага, Я. Райніса, П. Тычыны^[1], Л. Гіры^[2], а таксама грузінскія казкі.

Узнагароды

Узнагароджаны ордэнам Айчыннай вайны II ступені і медалямі.

Зноскі

↑ ^а ^б ^в ^г Астапенко Алесь // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 32. — 737 с..
↑ Гира Людас Константинович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 147. — 737 с.

Літаратура

Астапенка Алесь // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.
Аляксандр Кірылавіч Астапенка // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

Спасылкі

Алесь Астапенка — Замаўчы, маё сэрца!

[БС-1] а ^б ^в ^г Астапенко Алесь // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 32. — 737 с..

[ЛГ-2] Гира Людас Константинович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 147. — 737 с.

[1]

[2]