Аляксандр Францавіч Пятаковіч

Аляксандр Францавіч Пятаковіч
Дата нараджэння	25 снежня 1914(1914-12-25)
Месца нараджэння	Сянно, Сенненскі павет, Магілёўская губерня, Расійская імперыя
Дата смерці	9 чэрвеня 1988(1988-06-09) (73 гады)
Месца смерці	Мар’іна Горка, Пухавіцкі раён, Мінская вобласць, БССР, СССР
Месца пахавання	Мар’іна Горка
Грамадзянства	Беларусь  СССР
Прыналежнасць	СССР
Род войскаў	танкавыя войскі
Гады службы	1936—1938, 1941—1946
Званне	капітан
Камандаваў	танкавы разведузвод
Бітвы/войны	Вялікая Айчынная вайна
Узнагароды і званні

Аляксандр Францавіч Пятако́віч (12 (25) снежня 1914, Сянно —9 чэрвеня 1988, Мар’іна Горка) — удзельнік Вялікай Айчыннай вайны, Герой Савецкага Саюза (1945).

Біяграфія

У 1929 годзе скончыў сярэднюю школу ў горадзе Сянно. У 1933 годзе працаваў у саўгасе ў Пухавіцкім раёне. У 1936—1938 гадах праходзіў службу ў Чырвонай Арміі. Да 1940 года — інструктар Пухавіцкага райкама РКП(б). Потым жыў у Алтайскім краі РСФСР.

З 1941 года зноў у арміі, скончыў курсы малодшых лейтэнантаў. Падчас Вялікай Айчыннай вайны удзельнічаў у баявых дзеяннях на Заходнім, 1-м Беларускім франтах. Камандзір танкавага разведвальнага ўзвода старшы лейтэнант А. Ф. Пятаковіч вызначыўся ў студзені 1945 года ў баях за пашырэнне плацдарма на левым беразе ракі Вісла і за вызваленне горада Радам (Польшча). У баях узвод знішчыў 3 бронетранспарцёры, знішчыў 3 і захапіў 4 гарматы. У далейшых баях знішчыў 6 бронетранспарцёраў, 8 танкаў, 9 гармат, 19 кулямётных кропак, узяў у палон 130 ворагаў.

Пасля вайны працягваў ваенную службу. З 1946 года капітан А. Пятаковіч у запасе. Жыў у горадзе Мар’іна Горка (Мінская вобласць), працаваў на партыйных і дзяржаўных пасадах.

Ганаровы грамадзянін гарадоў Сянно і Мар’іна Горка

Узнагароды

• Медаль «Залатая Зорка»,
• Ордэн Леніна,
• Ордэн Чырвонага Сцяга,
• Ордэн Айчыннай вайны 1-й ступені,
• Ордэн Айчыннай вайны 2-й ступені,
• медалі.

Ушанаванне памяці

• Помнік у Парку Перамогі ў горадзе Бійск.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 163. — 10 000 экз. — ISBN 985-11-0035-8. — ISBN 985-11-0216-4 (т. 13).
• Долготович Б. Д. Почётные граждане белорусских городов: биограф. справочник (руск.) / Б. Д. Долготович. — Мн.: Беларусь, 2008. — С. 115, 287. — 368 с. — 2 000 экз. — ISBN 978-985-01-0784-8.
• Пятакович Александр Францевич // Слава и гордость земли Витебской / сост. М. Н. Пригожий. — Витебск, 2009. — С. 112. (руск.)

Спасылкі

• Аляксандр Францавіч Пятаковіч на сайце «Героі краіны»
• Пятаковіч Аляксандр Францавіч на сайце Віцебскай абласной бібліятэкі Архівавана 22 снежня 2015.
• Сайт горада Бійск(недаступная спасылка) (руск.)