Анатоль Фёдаравіч Скамарошчанка

Анатоль Фёдаравіч Скамарошчанка
Анатоль Фёдаравіч Скамарошчанка
Дата нараджэння	18 сакавіка 1954
Месца нараджэння	Гродна, Гродзенская вобласць, БССР, СССР;
Дата смерці	1 кастрычніка 2019 (65 гадоў)
Месца смерці	Гродна, Гродзенская вобласць, Беларусь;
Месца пахавання	Сакрэт;
Грамадзянства	Беларусь;
Жонка	Ніна Мікалаеўна Чураба[d]
Дзеці	Уладзімір Анатолевіч Скамарошчанка[d] і Марыяна Анатолеўна Скамарошчанка[d]
Род дзейнасці	мастак
Вучоба	Мінскае мастацкае вучылішча імя А. К. Глебава (1974); Беларускі дзяржаўны тэатральна-мастацкі інстытут (1981);
Член у	Беларускі саюз дызайнераў;

Анатоль Фёдаравіч Скамарошчанка (18 сакавіка 1954, Гродна, Беларусь — 1 кастрычніка 2019, Гродна, Беларусь) — беларускі мастак, дызайнер інтэр’ераў і мэблі.

Біяграфія

У 1970—1974 гадах вучыўся ў Мінскім мастацкім вучылішчы імя Глебава, у 1976—1981 гадах вучыўся ў Беларускай акадэміі мастацтваў на аддзяленні дэкаратыўна-прыкладнога мастацтва па спецыяльнасці «Кераміка».

З 1982 года жыў і працаваў у Гродне. Працаваў у мастацка-вытворчых майстэрнях у Гродне, аформіў басейн у адным з дзіцячых садоў горада і комплекс для адпачынку ВА «Азот»; керамічны рэльеф яго працы ўпрыгожвае хол ЖРЭУ Кастрычніцкага раёна г. Гродна. Ён таксама выканаў серыю рэльефаў інтэр’ера кафэ «Верас».

Член Саюза дызайнераў Беларусі з 1997 года.

Удзельнічаў у мастацкіх выстаўках у Мінску, Гродне, Брэсце, Лідзе, Беластоку. Тры персанальныя выстаўкі ў г. Гродна.

Памёр 1 кастрычніка 2019 года. Развітанне адбылося 2-3 кастрычніка ў Пахавальнай зале на пр. Касманаўтаў у Гродне. 3 кастрычніка прайшла служба пройдзе ў Царкве Усіх Святых^[1]. Пахаваны на гродзенскіх могілках «Сакрэт».

Працы знаходзяцца ў прыватных калекцыях у Беларусі, Расіі, Польшчы, Германіі, ЗША.

Сям’я

У шлюбе з мастачкай і мастацтвазнаўцам Нінай Чурабай, малодшай дачкой мастака Мікалая Чурабы^[2], меў сына Уладзіміра (нар. 1982), графіка, дызайнера, мастака і фатографа, і дачку Марыяну (нар. 1987), дызайнера. Уладзімір у шлюбе з Кацярынай Таберкай мае дачку Дарыя і сына Даніла^[3].

Зноскі

Спасылкі

СКАМАРОШЧАНКА АНАТОЛЬ ЖЫВАПIC КРОПКI

[hrodna-1] Памёр гродзенскі мастак Анатоль Скамарошчанка. Як з ім развітацца

[2] У выставачным зале на Савецкай адкрылася выстава да 100-годдзя Мікалая Чурабы

[3] Пяцігадовая сенсацыя Архівавана 3 снежня 2020.

[1]

[2]

[3]