Барыс Яўсеевіч Малкін

Барыс Яўсеевіч Малкін
Дата нараджэння	26 студзеня 1908(1908-01-26)
Месца нараджэння	Прылукы, Прылуцкі павет[d], Палтаўская губерня, Расійская імперыя
Дата смерці	20 лістапада 1972(1972-11-20) (64 гады)
Месца смерці	Мінск, БССР, СССР
Месца пахавання	Чыжоўскія могілкі
Грамадзянства	Расійская імперыя  СССР
Род дзейнасці	мастак, ілюстратар, сцэнограф
Жанр	партрэт, пейзаж і нацюрморт
Вучоба	Нацыянальная акадэмія выяўленчага мастацтва і архітэктуры
Медыяфайлы на Вікісховішчы

Барыс Яўсеевіч Малкін (26 студзеня 1908, Прылукі, Чарнігаўская губерня — 20 лістапада 1972, Мінск) — беларускі мастак, графік, сцэнограф, ілюстратар.

Біяграфія

Скончыў Кіеўскую вышэйшую школу мастацтваў (1929). Працаваў у Дзяржаўным выдавецтве БССР (1929—1936). Браў удзел у мастацкіх выстаўках з 1929 года. Працаваў у сцэнаграфіі, кніжнай і станковай графіцы.

Пахаваны на мінскіх Чыжоўскіх могілках.

Творчасць

Аформіў спектаклі ў тэатры імя Я. Купалы («Партызаны» (1938) і «Мілы чалавек» (1945) К. Крапівы, «Паўлінка» (1944) і «Прымакі» (1944) Я. Купалы, «Позняе каханне» А. Астроўскага (1944), «Маладая гвардыя» А. Фадзеева (1947), «Спадарыня міністэрка» Б. Нушыча (1956), «Востраў Афрадыты» А. Парніса (1960)); у тэатры імя Я. Коласа («Ірынка» К. Чорнага (1941)); у Рускім тэатры БССР («Карчмарка» К. Гальдоні (1951) і «Шальныя грошы» А. Астроўскага (1951)).

Жонка — актрыса Нацыянальнага акадэмічнага тэатра імя Янкі Купалы Вера Пола. Пасля смерці мужа была ініцыятарам яго персанальнай выстаўкі, якая адбылася ў 1974 годзе ў Мінску, у будынку Саюза мастакоў БССР на Цэнтральнай плошчы. У дзвюх невялічкіх выставачных залах атрымалася змясціць амаль чацвёртую частку з прадстаўленых работ — малюнкаў, эстампаў, плакатаў, жанравых кампазіцый, партрэтаў, нацюрмортаў.

Спасылкі

• Малкин Борис Евсеевич Архівавана 3 снежня 2013.