Велестынліс Рыгас

Рыгас Ферэас
Ρήγας Φεραίος
Асабістыя звесткі
Імя пры нараджэнні	грэч. Ρήγας
Дата нараджэння	каля 1757[…]
Месца нараджэння	Velestino[d], Rigas Feraios Municipality[d], Magnesia Regional Unit[d], Фесалія, Грэцыя
Дата смерці	24 чэрвеня 1798(1798-06-24)
Месца смерці	Бялград, Асманская імперыя
Грамадзянства	Асманская імперыя
Прафесійная дзейнасць
Род дзейнасці	дыпламат, журналіст, філосаф, перакладчык, паэт, пісьменнік, палітык
Кірунак	Modern Greek Enlightenment[d]
Подпіс
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

Велестынліс Ры́гас (грэч. Βελεστινλής), або Рыгас Ферэас (грэч. Ρήγας Φεραίος; сапраўднае імя Антоніяс Кірыязіс, грэч. Αντώνιος Κυριαζής; каля 1757, г. Велестынан, Грэцыя — 24 чэрвеня 1798) — адзін з заснавальнікаў грэчаскага нацыянальна-вызваленчага руху супраць турэцкага панавання, паэт. Ідэі Рыгаса былі ўспрыняты дзеячамі «Філікі этэрыі» (1814—1821). Грэчаскі народ шануе Рыгаса як нацыянальнага героя.

Біяграфія

Скончыў вучылішча ў Фесаліі, быў народным настаўнікам. З 1774 года жыў у Стамбуле, каля 1782—1796 гг. — у Валахіі. У 1796—1797 гадах заснаваў у Вене тайнае грэчаскае рэвэвалюцыйнае таварыства «Этэрыя». Выступаў за аб'яднанне ўсіх балканскіх народаў для барацьбы супраць турэцкага панавання, прапаноўваў план стварэння дэмакратычнай «Грэчаскай рэспублікі» на тэрыторыі Балканскага паўвострава і Малой Азіі.

У снежні 1797 года пры вяртанні ў Грэцыю арыштаваны аўстрыйскай паліцыяй і выдадзены турэцкім уладам. Пакараны смерцю ў Бялградзе.

Творчасць

Мужнай лірыцы Рыгаса (вершы «Усход і Захад», «Палымяны гімн») уласцівы патрыятызм, антытурэцкая скіраванасць.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• На Вікісховішчы ёсць медыяфайлы па тэме Велестынліс Рыгас