Вылячэнне сляпога ад нараджэння

Вылячэнне сляпога ад нараджэння, Эль Грэка, каля 1570, Дрэздэн

Вылячэнне сляпога ад нараджэння — евангельская падзея, адзін з цудаў Ісуса Хрыста. Цуд запісаны ў Евангеллі паводле Яна, 9 раздзел.

Евангельскае апавяданне

Паводле Евангелля, Ісус убачыў чалавека, сляпога ад нараджэння. Яго вучні спыталіся ў яго: «Равві, хто зграшыў, ён ці бацькі ягоныя, што нарадзіўся сляпым?»

Ісус адказаў: «Ні гэты чалавек, ні яго бацькі не зграшылі», — сказаў Ісус, «але гэта на тое, каб на ім выявіліся дзеі Божыя. Мне належыць чыніць дзеі Таго, Хто паслаў Мяне, пакуль ёсць дзень; прыйдзе ноч, калі ніхто не можа чыніць. Пакуль Я ў свеце, Я — святло свету».

Сказаўшы гэта, Ісус плюнуў на зямлю, зрабіў гразь са сліной, і паклаў на вачы мужчыны. Сляпому ж сказаў: «Ідзі і умыйся ў купальні Сілоам» (гэта слова азначае «Пасланы»). Той пайшоў і ўмыўся, і вярнуўся відушчы.

Яго суседзі і тыя, хто раней бачыў яго слепату пыталіся: «Хіба гэта не той жа самы чалавек, які сядзеў і прасіў?» Некаторыя сцвярджалі, што гэта быў той сляпы, а іншыя казалі, што мужчына толькі падобны на яго, сам жа вылячоны казаў, што гэта ён.

«Як жа тады адкрыліся ў цябе вочы?» — пыталі яны . Ён адказаў : «Чалавек, Якога завуць Ісус, зрабіў гразь, памазаў вочы мае і сказаў мне: „Ідзі ў купальню Сілоам і ўмыйся“. Я пайшоў, умыўся і зрабіўся відушчы».

« Дзе гэты чалавек?» спыталіся яны ў яго. «Я не ведаю», — сказаў вылячоны.

Пасля гэтага прывялі святары і фарысеі паклікалі бацькоў жабрака, бо дзень, у які адбылося вылячэнне, быў субота. На пытанне: «Ці гэта сын ваш, пра якога вы кажаце, што нарадзіўся сляпы?», бацькі адказалі, што гэта сапраўды іх сын і ён нарадзіўся сляпым, але што вылячыў яго яны не ведаюць. Яны так казалі, бо былі запалоханыя фарысеямі, бо тыя згаварыліся, каб кожны, хто спавядае Ісуса Месіяй, быў выключаны з сінагогі.

Тады фарысеі і святары сталі зноў распытваць вылячонага жабрака, жадаючы, каб той сказаў на Ісуса нешта благое. Аднак былы сляпец працягваў сцвярджаць, што такі цуд мог зрабіць толькі чалавек, пасланы Богам. Рассержаныя фарысеі выгналі вылячонага.

Пасля гэтага Ісус знаходзіць яго і пытае, ці верыць той у Божага Сына? Калі Хрыстос абвяшчае. што Ён і ёсць Божы Сын, вылячоны з верай прыпадае да Ісуса.

Ключавая фраза падзеі: «на суд прыйшоў Я ў свет гэты, каб нявідушчыя бачылі, а відушчыя аслеплі», — паказвае духоўную сляпату кіраўнікоў народа, якія ў сваёй нянавісці не змаглі ўбачыць крыніцу духоўнага святла.

Таксама гэты ўрывак паказвае, што не заўсёды хвароба з'яўляецца праявай граху.

Хоць яго імя і не было названа ў Евангеллі, згодна з хрысціянскай традыцыяй, імя гэтага вылячонага чалавека было Целідоній.

Спасылкі

• На Вікісховішчы ёсць медыяфайлы па тэме Вылячэнне сляпога ад нараджэння