Зборная Расіі па хакеі з шайбай

Расія

Мянушкі	Чырвоная машына
Федэрацыя	Федэрацыя хакея Расіі
Трэнер	Алег Знарок
Капітан	Павел Дацюк (АГ-2014)
Больш усіх гульняў	Аляксандр Пракоп'еў (156)
Бамбардзір	Ілья Кавальчук (102)
Першая гульня Расія 2:2 Швецыя (Масква, Расія; 12 красавіка 1992)
Самая буйная перамога Расія 12:3 Вялікабрытанія (Бальцана, Італія; 26 красавіка 1994), Расія 10:1 Казахстан (Рыга, Латвія; 6 мая 2006)
Самае буйное паражэнне Расія 1:9 Славакія (Шамані, Францыя; 29 снежня 1993)
Асноўная форма Гасцявая форма
Чэмпіянат свету
Удзел	20 (Упершыню 1992)
Дасягненні	Чэмпіён (1993, 2008, 2009, 2012)

Спартыўныя ўзнагароды
Зімовыя Алімпійскія гульні
Срэбра	Нагана 1998
Бронза	Солт-Лейк-Сіці 2002
Чэмпіянат свету па хакеі з шайбай
Золата	Германія 1993
Срэбра	Швецыя 2002
Бронза	Аўстрыя 2005
Бронза	Расія 2007
Золата	Канада 2008
Золата	Швейцарыя 2009
Срэбра	Германія 2010
Золата	Фінляндыя/Швецыя 2012
Золата	Беларусь 2014
Бронза	Расія 2016
Бронза	Германія/Францыя 2017

Збо́рная Расі́і па хаке́і — нацыянальная хакейная каманда Расіі. У рэйтынгу ІІХФ за 2014 год знаходзіцца на 4 месцы. Кіроўны орган — Федэрацыя хакея Расіі, галоўным трэнерам з’яўляецца латышскі спецыяліст Алег Знарок. Зборная Расіі з’яўляецца правапераемніцай зборнай СССР.

У 2009 годзе тройку намінантаў на Мемарыяльны трафей Харта, які атрымлівае самым каштоўным ігрок у Нацыянальнай хакейнай лізе, склалі прадстаўнікі зборнай Расіі: Аляксандр Авечкін, Павел Дацюк і Яўген Малкін.

Гісторыя

На зімовых Алімпійскіх гульнях 1992 года ў Альбервілі, якія праходзілі праз некалькі тыдняў пасля распаду СССР, выступала гэтак званая Аб'яднаная каманда, якая ў хакейным турніры фактычна і была прадстаўлена зборнай Расіі. Пад кіраўніцтвам ранейшага трэнера зборнай СССР Віктара Ціханава Аб'яднаная каманда здолела атрымаць золата.

Для ўдзелу ў дэбютным чэмпіянаце свету 1992 года ў Чэхаславакіі пад кіраўніцтвам Віктара Ціханава была сфарміравана ўжо зборная Расіі. На чэмпіянаце свету рускія ўпэўнена выйшлі з групы, заняўшы першае месца, але ў чвэрцьфінале саступілі зборнай Швецыі (0:2).

Зборная Расіі на зімовых Алімпійскіх гульнях 2010 года ў Ванкуверы

На чэмпіянаце свету 1993 года ў Германіі расійскія хакеісты выступілі не вельмі ўдала: нічыя 2:2 са зборнай Італіі, параза 2:5 ад шведаў, але ўсё ж такі выйшлі з трэцяга месца ў плэй-оф. У чвэрцьфінале рускія ўпэўнена разабраліся з гаспадарамі турніру — 5:1, у паўфінале ў відовішчным матчы былі абыграны канадцы (7:4), у складзе якіх былі такія вядомыя ігракі як то Майк Гартнер, Род Брындамор, Марк Рэкі, маладыя Пол Карыя і Эрык Ліндрас. У мюнхенскім фінале зборная Расіі ўзяла рэванш у шведаў (3:1) і ўпершыню ў сваё незалежнай гісторыі стала чэмпіёнамі свету.

На алімпійскам турніры 1994 года ў Нарвегіі склад расійскай зборнай быў сфарміраваны ў асноўным з ігракоў айчыннага чэмпіянату, у той час як некаторыя зоркавыя ігракі заставаліся ў НХЛ. З гэтай прычыны зборная паказала слабы вынік, гэта значыць 2 паражэнні на групавым этапе (адно з іх паражэнне зборнай Фінляндыі з лікам 0:5). Канчаткова зборная Ціханава заняла 4-е месца, пасля чаго галоўны трэнер быў звольнены са сваёй пасады.

У наступныя гады расійскія хакеісты паказвалі не вельмі добрыя вынікі, займаючы 4 і 5 радкі, а на хатнім чэмпіянаце свету 2000 года ў Санкт-Пецярбургу нават супыніліся на 11 месцы. Аднак, у апошнія гады вынікі зборнай Расіі значна палепшыліся, аб чым кажа чэмпіёнскія вынікі ў 2008, 2009 і 2012 гадах, сярэбраныя медалі 2010 года і бронзавыя — 2005 і 2007.

Спасылкі

• На Вікісховішчы ёсць медыяфайлы па тэме Зборная Расіі па хакеі з шайбай
• Федэрацыя хакея Расіі
• Профіль зборнай Расіі на Sports.ru

Мультымедыя

• Зборная Расіі на ЧС 2008 у Канадзе
• Расія — Канада. Фотасправаздача пра фінальны матч ЧС 2008